تەحنيكا سانى ەكى ەسە ارتتى

اۋىل شارۋاشىلىعى ۆيتسە-ءمينيسترى ەرمەك كەنجەحان ۇلىنىڭ ايتۋىنشا, 2024 جىلى حيميالىق وڭدەۋ ءۇشىن 247 بىرلىك تەحنيكا پايدالانىلسا, 2025 جىلى بۇل سان 443-كە ۇلعايماق. ونىڭ ىشىندە 46 اگرودرون بار, ولاردى اۋىل شارۋاشىلىعى مينيسترلىگى «فيتوسانيتاريا» رمك-ءنىڭ ايماقتىق بولىمشەلەرىنە ساتىپ العان. سونداي-اق 7 زەرتتەۋ درونى الىنعان.

«تۇركىستان وبلىسىندا وتكەن جىل­دىڭ كوكتەمىندە اگرودروندار ارقىلى القاپتاردى بۇركۋ جانە پەستيتسيدتەردى ساتىپ الۋ, تاسىمالداۋ, ساقتاۋ جانە وڭدەۋدى قوسا قامتيتىن ورتالىقتاندىرىلعان قىزمەتتى قاناتقاقتى سىناقتان وتكىزۋ جاسالدى. سونىڭ ناتيجەلەرى بويىنشا اۋىل شارۋاشىلىعى مينيسترلىگى فيتوسانيتارلىق شارالاردى بارلىق وڭىردە ء«بىر جەتكىزۋشى – بارلىق جۇمىس» قاعيداتى بويىنشا ۇيىمداستىرۋدى ەنگىزدى. بۇل بيزنەسكە اتالعان قىزمەتتەردى ساتىپ الۋعا قاتىسۋدى تارتىمدى ەتىپ, جاۋاپكەرشىلىكتى ارتتىرادى. بۇدان بولەك, فەرمەرلەر مەن حيميالىق وڭدەۋ قىزمەتتەرىن جەتكىزۋشىلەرگە اگرودروندار, جەرۇستى جەلدەتكىشتى جانە شتانگالى بۇرىككىشتەر قۇنىنىڭ 25%-ىن وتەۋ ارقىلى قولايلى جاعداي جاسادىق», دەدى ەرمەك كەنجەحان ۇلى.

سونداي-اق وتىرىستا ايماقتاردىڭ كوكتەمگى دالا جۇمىستارىنا دايىن­دىعى قارالدى. 2024 جىلى 29 قاراشادا باستالعان ەرتە قارجىلاندىرۋ اياسىندا بولىنگەن 100 ملرد تەڭگەنىڭ 70 ملرد تەڭگەسى 671 اۋىل شارۋاشىلىعى وندىرۋشىسىنە باعىتتالدى. بۇل قارجىنى ەڭ بەلسەندى پايدالانعاندار – ءداندى داقىلدار ەگەتىن ايماقتار: اقمولا (15,4 ملرد تەڭگە), قوستاناي (14,9 ملرد تەڭگە) جانە سولتۇس­تىك قازاقستان وبلىستارى (14,5 ملرد تەڭگە). وڭتۇستىك ايماقتاردا – تۇركىستان, جامبىل جانە جەتىسۋ وبلىستارىندا, كوكتەمگى ەگىس جۇمىستارى ەرتەرەك باستالاتىن ايماقتاردا, وتىنىمدەر سوماسى نەبارى 10 ملرد تەڭگەنى قۇرايدى.

ايماقتاردىڭ الدىن الا مالىمەتىنشە, رەسپۋبليكادا كوكتەمگى دالا جۇمىس­تارىنا اۋىل شارۋاشىلىعى تەحنيكا­سىنىڭ دايىندىعى قازىر شامامەن 56%-دى قۇرايدى. 2024 جىلى ونىمگە ارنال­عان تۇقىمعا دەگەن قاجەتتىلىك 2,3 ملن توننا بولسا, ونىڭ 99%-ى دايىندالعان.

كەڭەس قورىتىندىسىندا سەرىك جۇمان­عارين ەگىستىك الاڭدارىنىڭ قۇرى­لى­مىن قايتا قاراۋدى – بيداي ەگۋ القاپ­تارىن قىسقارتىپ, مايلى داقىلدار مەن باسقا دا جوعارى تيىمدىلىگى بار داقىل­داردى كوبەيتۋدى تاپسىردى. سون­داي-اق 2024 جىلى ونىمدە ەڭ جوعارى ناتي­جە كورسەتكەن وتاندىق سەلەكتسيانىڭ ەليتا­لىق تۇقىمدارىن ەگۋ الاڭدارىن بارىنشا ۇلعايتۋ قاجەتتىگىن ايتتى.

كەلەسى سارسەنبىدە سەرىك جۇمانعارين كوكتەمگى ەگىس جۇمىستارىنا دايىندىق بارىسىمەن تانىسۋ جانە ەكونوميكانىڭ ناقتى سەكتورىنىڭ دامۋىن تالقىلاۋ ءۇشىن وڭتۇستىك وڭىرلەردىڭ بىرىنە بارۋدى جوسپارلاپ وتىر. بۇدان بۇرىن حابار­لانعانداي, 2024 جىلى 30 جەلتوق­ساندا پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى قاراعاندى وبلىسىندا بولىپ, ۆەدومستۆونىڭ جۇمىسى وڭىرلەردەگى جۇمىسپەن كىرىكتىرىلەتىنىن مالىمدەگەن ەدى.