فوتو: اشىق دەرەككوز
كولىك قۇرالىن باسقارۋعا قۇقىعى جوق, ماس كۇيىندە اۆتوكولىك جۇرگىزگەن سوتتالۋشى س.-نى پوليتسيا قىزمەتكەرلەرى توقتاتقان. ول اكىمشىلىك قۇقىق بۇزۋشىلىق تۋرالى حاتتاما جاساۋدان باس تارتىپ, ءوزىن اكىمشىلىك جاۋاپتىلىقتان بوساتۋى ءۇشىن پوليتسيا قىزمەتكەرىنە 10 000 تەڭگە سوماسىندا پارا بەرۋگە تىرىسقان.
پوليتسيا قىزمەتكەرى قىزمەتتىك بورىشىن اتقارا وتىرىپ, اقشادان باس تارتقان. ءپرينتسيپتى بەرىك ۇستانعان پوليتسەي سىبايلاس جەمقورلىق قىلمىسى تۋرالى ءوزىنىڭ تىكەلەي باسشىلىعىنا جانە وزىندىك قاۋىپسىزدىك باسقارماسىنا حابارلاعان.
سوتتالۋشى س. اتالعان ءىس-ارەكەتتە ءوزىنىڭ كىناسىن تولىق مويىنداپ, ايىپتاۋ مەن ءىس بويىنشا قولدا بار دالەلدەمەلەرگە داۋ ايتپاعان.
سوت وتىرىسىندا پروكۋرور سوتتالۋشى س-ءتى قك-ءنىڭ 24-بابى 3-بابى, 367-بابى 1-بولىگى بويىنشا كىنالى دەپ تانىدى.
سوتتالۋشىنىڭ قىلمىستىق جاۋاپكەرشىلىگى مەن جازاسىن جەڭىلدەتەتىن ءمان-جايلار رەتىندە سوت جاساعان ىسىنە شىن جۇرەكتەن وكىنگەنىن جانە ونىڭ كامەلەتكە تولماعان بالالارىنىڭ بولۋىن انىقتادى.
سوتتالعان ادامنىڭ قىلمىستىق جاۋاپتىلىعى مەن جازاسىن اۋىرلاتاتىن ءمان-جايلار سوتتا بەلگىلەنبەگەن.
سوتتىڭ ۇكىمىمەن سوتتالۋشى س. كىنالى دەپ تانىلىپ, وعان مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرا وتىرىپ, 112 500 تەڭگە, ياعني پارانىڭ ون بەس ەسەلەنگەن سوماسى مولشەرىندە ايىپپۇل تۇرىندە جازا تاعايىندالدى.
سوت ۇكىمى زاڭدى كۇشىنە ەنگەن جوق.
