فوتو: Bild
سپورتشىنىڭ سىناماسىنان لەتروزول پرەپاراتى انىقتالعان. بۇل ءدارى ەستروگەن دەڭگەيىن تومەندەتەدى جانە 2008 جىلدان بەرى سپورتتا قولدانۋعا قاتاڭ تىيىم سالىنعان. مەديتسينادا لەتروزول كەيبىر اۋرۋلاردى, سونىڭ ىشىندە ءسۇت بەزى قاتەرلى ىسىگىنىڭ ەرتە ساتىسىن ەمدەۋدە پايدالانىلۋى مۇمكىن. الايدا سپورتتا ول انابوليكالىق زاتتاردى قولدانۋدىڭ ىقتيمال بەلگىسى رەتىندە قاراستىرىلادى.
يتالياداعى اق وليمپيادا: سپورتشىلاردىڭ جارىس كەستەسى جاريالاندى
BILD باسىلىمىنىڭ مالىمەتىنشە, ەندى رەبەككا پاسسلەر بۇل زاتتىڭ اعزاسىنا قالاي تۇسكەنىن ءتۇسىندىرۋى ءتيىس. تەرگەۋ اياقتالعانعا دەيىن ول جارىستاردان ۋاقىتشا شەتتەتىلدى, ال سپورتشىنىڭ اتى يتاليا بياتلون فەدەراتسياسىنىڭ رەسمي سايتىنان الىنىپ تاستالدى. وسىلايشا, سپورتشى دوپينگ داۋىنا بايلانىستى وليمپيادانى سىرتتاي تاماشالاۋعا ءماجبۇر.
وليمپيادا-2026: ۇلتتىق بانك جاڭا كوللەكتسيالىق مونەتالاردى شىعارادى
ايتا كەتەيىك, 24 جاستاعى رەبەككا – سپورت الەمىنە تانىمال اۋلەتتىڭ مۇشەسى. ول 1988 جىلى بياتلوننان يتاليا قورجىنىنا العاشقى وليمپيادالىق مەدالدى سالعان يوحانن پاسسلەردىڭ جيەنى. سوندىقتان بۇل وقيعا حالىقارالىق سپورت قاۋىمداستىعىندا ۇلكەن رەزونانس تۋعىزىپ وتىر.
وليمپيادا باستالماي جاتىپ شىققان بۇل داۋ الداعى جارىستاردا دوپينگكە قارسى باقىلاۋدىڭ قانشالىقتى قاتاڭ بولاتىنىن تاعى ءبىر مارتە اڭعارتتى.
ەسكە سالا كەتەيىك, اقپاننىڭ 6-سى كۇنى يتاليانىڭ قوس قالاسى – ميلان جانە كورتينا-د'امپەتستسودا تورتجىلدىقتىڭ باستى باسەكەسى قىسقى وليمپيادا ويىندارى باستالادى. دۇنيە ءجۇزىنىڭ ەڭ مىقتى سپورتشىلارى باق سىنايتىن اق ويىنداردا ەل نامىسىن 10 سپورت ءتۇرى بويىنشا 36 سپورتشى قورعايدى.
