ماڭعىستاۋ وبلىسى توتەنشە جاعدايلار دەپارتامەنتىندە ءۇش تاعايىنداۋ بولدى

توتەنشە جاعدايلار ءمينيسترىنىڭ 2024 جىلعى 27 جەلتوقسانداعى № 667 ج/ق بۇيرىعىمەن 2025 جىلدىڭ 1 قاڭتارىنان باستاپ ازاماتتىق قورعاۋ پودپولكوۆنيگى ميربەك امانقوس ۇلى كاراەۆ ماڭعىستاۋ وبلىسى تجد باستىعىنىڭ ءبىرىنشى ورىنباسارى لاۋازىمىنا تاعايىندالدى.

ەڭبەك جولى قارۋلى كۇشتەر قاتارىندا قىزمەت ەتۋدەن باستالعان ول ازاماتتىق قورعاۋ ورگاندارىنداعى قىزمەتىن 2005 جىلعى جەلتوقسانىندا ماڭعىستاۋ وبلىسى بويىنشا ء«ورت ءسوندىرۋ جانە اۆاريالىق قۇتقارۋ جۇمىستارى» مم فيليالى اقتاۋ قالاسى №8 ءورت ءسوندىرۋ ءبولىمىنىڭ اعا ءورت ءسوندىرۋشىسى قىزمەتىنەن باستاعان. 2021 جىلدىڭ قىركۇيەگىنەن باستاپ 2025 جىلدىڭ قاڭتارىنا دەيىنگى ارالىقتا قر تجم ماڭعىستاۋ وبلىسى توتەنشە جاعدايلار دەپارتامەنتى ء«ورت ءسوندىرۋ جانە اۆاريالىق قۇتقارۋ قىزمەتى (اقتاۋ قالاسى)» رمم باستىعى قىزمەتىن اتقارعان.

(فوتو: ماڭعىستاۋ وبلىسى تجد)

ماڭعىستاۋ وبلىسى تجد باستىعىنىڭ 13 جەلتوقسان 2024 جىلعى № 157 بۇيرىعىمەن اقتاۋ قالاسى توتەنشە جاعدايلار باسقارماسى باستىعىنىڭ ورىنباسارى بولىپ ازاماتتىق قورعاۋ مايورى بەكەن بالتاباي ۇلى دەمەشوۆ تاعايىندالدى.

ول 1992 جىلى 21 قاراشادا ماڭعىستاۋ وبلىسى اقتاۋ قالاسىندا دۇنيەگە كەلگەن. 2014 جىلى كوكشەتاۋ تەحنيكالىق ينستيتۋتىن اياقتاعان.

ءوزىنىڭ ەڭبەك جولىن 2014 جىلى «ماڭعىستاۋ وبلىسى تجد وسجاقجق (اقتاۋ قالاسى)» رمم № 1 مامانداندىرىلعان ءورت ءسوندىرۋ ءبولىمىنىڭ اعا ينجەنەرى لاۋازىمىنان باستاعان. 2017-2024 جىلدار ارالىعىندا اقتاۋ قالاسى № 1 مامانداندىرىلعان ءورت ءسوندىرۋ ءبولىمى باستىعى لاۋازىمىندا قىزمەت اتقارعان. 2024 جىلى ماۋسىم ايىنان باستاپ «ماڭعىستاۋ وبلىسى تجد وسجاقجق (اقتاۋ قالاسى)» رمم باستىعىنىڭ ورىنباسارى لاۋازىمىندا جۇمىس جاساعان.

(فوتو: ماڭعىستاۋ وبلىسى تجد)

​ماڭعىستاۋ وبلىسى توتەنشە جاعدايلار دەپارتامەنتى باستىعىنىڭ 13 جەلتوقسان 2024 جىلعى № 157 بۇيرىعىمەن ءورت ءسوندىرۋ جانە اۆاريالىق قۇتقارۋ جۇمىستارىن ۇيىمداستىرۋ باسقارماسىنىڭ باستىعى بولىپ ازاماتتىق قورعاۋ مايورى بەرىك حادجي-راحيم ۇلى بۇركىتوۆ تاعايىندالدى.

بەرىك حادجي-راحيم ۇلى بۇركىتوۆ اتالعان وبلىسقا قاراستى اقتاۋ قالاسىندا 1988 جىلى 18 قاراشادا دۇنيەگە كەلگەن. 2016 جىلى كوكشەتاۋ تەحنيكالىق ينستيتۋتىن تامامداعان.

ەڭبەك جولىن 2009-2012 جىلى «ماڭعىستاۋ وبلىسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق قۇتقارۋ جۇمىستارى قىزمەتى» مەملەكەتتىك مەكەمەسىنىڭ اقتاۋ قالاسى № 9 تەحنيكالىق قىزمەت ءورت ءسوندىرۋ ءبولىمىنىڭ ستارشيناسى لاۋازىمىندا, 2012-2021 جىلدار ارالىعىندا اقتاۋ قالاسى № 1 مامانداندىرىلعان ءورت ءسوندىرۋ ءبولىمىنىڭ ازاماتتىق قورعاۋ باعىتى بويىنشا ءارتۇرلى باسشى لاۋازىمداردا جۇمىس جاساعان, 2021-2023 جىلدار ارالىعىندا ءورت ءسوندىرۋ كەزەكشىلىك قىزمەتىنىڭ جەدەل كەزەكشى لاۋازىمىندا جانە 2023 جىلى ساۋىرىنەن باستاپ «ماڭعىستاۋ وبلىسى تجد وسجاقجق (اقتاۋ قالاسى)» رمم باستىعىنىڭ ورىنباسارى بولدى.

(فوتو: ماڭعىستاۋ وبلىسى تجد)