فوتو: massaget.kz
وقيعانىڭ ۆيدەوسى الەۋمەتتىك جەلىدە تاراعان ەدى. وندا شەتەلدىك ستۋدەنتتەردىڭ تاياق, ورىندىقتارمەن ءبىر-ءبىرىن سوققىلاپ جاتقانىن كورۋگە بولادى.
جاڭا جىل ءتۇنى توبەلەسكەن ستۋدەنتتەر 5 جىلدىق شەكتەۋمەن ەلدەن شىعارىلادى. سەناتور بۇل شەشىم زاڭ شەڭبەرىندە قابىلدانعانىن ايتتى.
«ەلىمىزدە جۇرگەن كەز كەلگەن شەتەل ازاماتى ءبىزدىڭ زاڭىمىزدى, ءتارتىبىمىزدى, ادەت-عۇرپىمىزدى, سالت-ءداستۇرىمىزدى قۇرمەتتەپ, سايىپ كەلگەندە, ءوزىن قالاي ۇستاۋ ادەبىن ءبىلۋى كەرەك. بۇل - الەمدىك تاجىريبە. باسقا ەلدە جۇرگەندە زاڭدى ساقتاپ, وعان باعىنۋ كەرەك. قوعامدىق ءتارتىپتى بۇزعان شەتەلدىكتەر دەپورتاتسيالانادى. سونىمەن قاتار ولاردىڭ قازاقستاندا وقيتىنى تۋرالى قۇجاتتار دا كۇشىن جويادى», دەدى مارات قوجاەۆ.
