ءجۇزدەسۋگە قوعامدىق كەڭەس مۇشەلەرى, زيالى قاۋىم وكىلدەرى جانە ءال-فارابي اتىنداعى قالالىق عىلىمي-امبەباپ كىتاپحانانىڭ قىزمەتكەرلەرى قاتىستى.
دەپۋتات پرەزيدەنت قاسىم-جومارت توقاەۆتىڭ «انا ءتىلى» گازەتىندە جاريالانعان سۇحباتىنىڭ نەگىزگى تۇجىرىمدارىنا جان-جاقتى توقتالدى. وندا ءوڭىرلەردىڭ تەپە-تەڭ دامۋىنىڭ ماڭىزدىلىعى, ازاماتتاردىڭ ءومىر ءسۇرۋ دەڭگەيىن ارتتىرۋ جانە ەكونوميكانى نىعايتۋ سياقتى نەگىزگى تاقىرىپتارعا باسا نازار اۋدارىلدى. سەناتور كەزدەسۋگە قاتىسۋشىلاردىڭ سۇراقتارىنا جاۋاپ بەرىپ, ءوڭىردىڭ وزەكتى ماسەلەلەرىن دە تالقىلادى.
تۇركىستان وبلىسىنداعى سارىاعاش اۋدانىندا «جىبەك جولى» جانە قونىسباەۆ اتىنداعى شەكارا بەكەتتەرىنىڭ جۇمىسىمەن تانىسۋ بارىسىندا دارحان قىدىرالى شەكاراشىلارمەن اڭگىمەلەسىپ, شەكاراداعى جۇمىستى ۇيىمداستىرۋعا قاتىستى وزەكتى ماسەلەلەردى تالقىلادى.
سەناتور قازاقستان مەن وزبەكستان اراسىنداعى شەكارادان قاۋىپسىز جانە ءتيىمدى ءوتۋدى قامتاماسىز ەتۋدەگى وسى نىسانداردىڭ ماڭىزدىلىعىن اتاپ ءوتتى. دەپۋتات پارلامەنت تاراپىنان حالىقارالىق ىنتىماقتاستىقتى نىعايتۋ جانە وڭىرلەردى دامىتۋعا باعىتتالعان جۇمىس بەلسەندى جالعاساتىنىن اتاپ ءوتتى.
