سۋرەت: communa.ru
ۆەدومستۆو ادامنىڭ مەتاپنەۆموۆيرۋسى كوپتەگەن ەلدەردە ونداعان جىل بويى تارالىپ كەلە جاتقان كلاسسيكالىق ۆيرۋستاردىڭ ءبىرى ەكەنىن, ۆيرۋستىڭ بەلگىلەرى ەلىمىزدە جرۆي, تۇماۋمەن سىرقاتتانۋشىلىقتىڭ ماۋسىمدىق ءوسۋى كەزەڭىندە بەلسەندى تارالاتىن ينفەكتسيالاردىڭ باسقا تۇرلەرىمەن قاتار انىقتالعانىن اتاپ ءوتتى. سانيتارلىق-ەپيدەميولوگيالىق باقىلاۋ كوميتەتىنىڭ مالىمەتىنشە, ەپيدەميالىق ماۋسىم باستالعاننان بەرى ەلىمىزدە تۇماۋعا جاتپايتىن ۆيرۋستارعا قاتىستى 8360 ۇلگى زەرتتەلگەن. ونىڭ ىشىندە 1866 (22%) وڭ سىناما انىقتالدى, ەڭ كوپ تارالعانى رينوۆيرۋس – 680 (36,4%), سودان كەيىن مس ۆيرۋس – 433 (23,2%), ادەنوۆيرۋس – 226 (12,1%), كوروناۆيرۋس – 206 (11,1%), پاراتۇماۋ – 178 (9,5%), بوكاۆيرۋس – 113 (6,1%), مەتاپنەۆموۆيرۋس – 30 (1,6%).
مەتاپنەۆموۆيرۋس (MPV – Metapneumovirus) – ادامداردا تىنىس الۋ جولدارىنىڭ ينفەكتسيالارىن تۋدىراتىن ۆيرۋس, مەتاپنەۆموۆيرۋس وتباسى (Metapneumoviridae) مەن پنەۆموۆيرۋستار تۇقىمداسىنا جاتادى. ءبىرىنشى رەت 2001 جىلى انىقتالدى. ادەتتە كۇز, قىس ايلارىندا كوبىرەك تارالادى. مەتاپنەۆموۆيرۋس – ادامدا رەسپيراتورلىق ينفەكتسيالار تۋدىراتىن ۆيرۋستىق پاتوگەن. ول تۇماۋ ءتارىزدى اۋرۋلار مەن جەدەل رەسپيراتورلىق ينفەكتسيالار بەلگىلەرىن تۋدىرادى. كوبىنەسە تومەنگى تىنىس الۋ جولدارىن زاقىمدايدى, بۇل برونحيت, پنەۆمونيا, رەسپيراتورلىق ديسترەسس سيندرومىنا (ARDS) اكەلۋى مۇمكىن.
«مەتاپنەۆموۆيرۋس نەگىزىنەن اۋا, تامشىلار ارقىلى, سيرەك جاعدايدا تۇرمىستىق بايلانىس ارقىلى بەرىلەدى. ينفەكتسيانىڭ نەگىزگى بەلگىلەرى – جوتەل, تاماقتىڭ قىزارۋى, مۇرىننىڭ بىتەلۋى, دەنەنىڭ قىزۋى, السىزدىك, شارشاۋ, باس اۋرۋى, اۋىر جاعدايلاردا — پنەۆمونيا, برونحيت, تىنىس الۋ قيىندىقتارى. ناقتى ەمى جوق, سوندىقتان سيمپتوماتيكالىق ەم قولدانىلادى», دەپ حابارلادى دەنساۋلىق ساقتاۋ مينيسترلىگى.
قازىردە ەلىمىزدە جرۆي, تۇماۋمەن سىرقاتتانۋشىلىقتىڭ ماۋسىمدىق ءوسۋى تىركەلىپ وتىر. وتكەن جىلدىڭ 1 قازانىنان باستاپ رەسپۋبليكادا جرۆي-دىڭ 2 002 335 سىرقاتى, زەرتحانالىق راستالعان تۇماۋدىڭ 941 سىرقاتى, ونىڭ ىشىندە ا ۇلگىلى تۇماۋدىڭ 910 جاعدايى (H1N1), ا (H3N2) ءبىر جاعداي, ۆ تۇماۋىنىڭ 30 جاعدايى تىركەلدى.
دەنساۋلىق ساقتاۋ مينيسترلىگى حالىقتى الدىن الۋ شارالارىن ساقتاۋعا, ادامدار كوپ جينالاتىن جەرلەردە بايلانىستاردى شەكتەۋگە شاقىرادى. جالپى, مەتاپنەۆموۆيرۋس ينفەكتسياسىن ەرتە ساتىسىندا انىقتاۋ وتە ماڭىزدى. ەگەر ادامدا تىنىس الۋ جولدارىنىڭ اۋرۋلارىنىڭ بەلگىلەرى بايقالسا, دەرەۋ دارىگەرگە قارالۋى كەرەك. مەديتسينا قىزمەتكەرلەرى سيمپتوماتيكالىق ەم جۇرگىزىپ, ينفەكتسيانىڭ تارالۋىن توقتاتۋعا جاردەمدەسەدى. مەتاپنەۆموۆيرۋس – رەسپيراتورلىق اۋرۋلاردىڭ تارالۋىنا سەبەپ بولاتىن ۆيرۋس, اسىرەسە بالالاردا جانە يممۋندىق جۇيەسى السىرەگەن ادامداردا اۋىر سىرقاتتارعا اكەلۋى مۇمكىن. ۆيرۋسقا قارسى ۆاكتسينا بولماعاندىقتان, الدىن الۋ شارالارىنىڭ ماڭىزى زور. جەكە گيگيەنانى ساقتاۋ, ناۋقاستارمەن بايلانىسۋدان اۋلاق بولۋ, قوعامدىق ورىنداردا بەتپەردە تاعۋ, ءۇيدى ءجيى تازالاپ وتىرۋ سياقتى شارالار ينفەكتسيانىڭ تارالۋىن ازايتۋعا كومەكتەسەدى. سونىمەن قاتار يممۋنيتەتتى نىعايتۋ, دۇرىس ءومىر ءسۇرۋ سالتىن ۇستانۋ مەتاپنەۆموۆيرۋس ينفەكتسياسىنا قارسى تۇرۋدا ماڭىزدى ءرول اتقارادى.
ەستەرىڭىزگە سالا كەتەيىك, بۇعان دەيىن قىتاي ۆيرۋستىق اۋرۋدىڭ – ادامنىڭ مەتاپنەۆموۆيرۋسىنىڭ جاڭا ورشۋىنە تاپ بولدى دەپ حابارلانعان بولاتىن. بۇقارالىق اقپارات قۇرالدارىنىڭ مالىمەتىنشە, ۆيرۋس بۇل ەلدە تەز تارالىپ جاتىر, اۋرۋحانالار وسى سىرقاتقا دۋشار بولعان پاتسيەنتتەرگە تولىپ كەتكەن.
