«بۇگىن پرەزيدەنت قاسىم-جومارت توقاەۆتىڭ «اna tili» گازەتىنە بەرگەن سۇحباتى جاريالاندى. مەملەكەت باسشىسى ءوز سوزىندە ەل دامۋىنىڭ نەگىزى رەتىندە «زاڭ مەن ءتارتىپ» قاعيداتىن اتاپ ءوتىپ, ادىلدىك پەن بىرلىكتى ساقتاۋ قاجەتتىگىنە ەرەكشە توقتالدى. پرەزيدەنت زاڭ ۇستەمدىگىن دەموكراتيانىڭ ەڭ جوعارى شىڭى دەپ سانايتىنىن ناقتىلاپ, ەسىرتكى قىلمىسى, ويىنقۇمارلىق, بۇزاقىلىق جانە ۆانداليزمگە قاتىستى جازانىڭ قاتاڭداتىلۋى قوعامداعى ءتارتىپ پەن ادىلەتتىلىكتى نىعايتۋعا باعىتتالعان ماڭىزدى قادام ەكەنىن اتاپ ءوتتى. سونىمەن قاتار ازاماتتاردىڭ قۇقىقتارىن قورعاۋ ءۇشىن 2025 جىلدان باستاپ ءۇش دەربەس كاسساتسيالىق سوت قۇرىلاتىنىن جەتكىزدى», دەپ جازدى ن. بايتىلەسوۆ.
سونداي-اق پرەزيدەنت «كەلەشەك» بىرىڭعاي ەرىكتى جيناقتاۋ جۇيەسىن ەنگىزۋ ارقىلى حالىققا ءبىلىم الۋ جانە تۇرعىن ءۇي ساتىپ الۋ مۇمكىندىكتەرىن كەڭەيتۋگە ەرەكشە نازار اۋداردى. ول ازاماتتاردىڭ ارتىق نەسيەلەنۋىن ازايتۋعا باعىتتالعان زاڭنىڭ دا ماڭىزدىلىعىن اتاپ ءوتىپ, بۇل باستاما قارجىلىق تۇراقتىلىقتى قامتاماسىز ەتۋدە ماڭىزدى ءرول اتقاراتىنىن ناقتى ايتتى. مەملەكەت باسشىسى مەديتسينا قىزمەتكەرلەرىنىڭ قۇقىقتىق قورعالۋى مەن الەۋمەتتىك كەپىلدىكتەرىنىڭ كۇشەيتىلگەنىن دە تىلگە تيەك ەتتى. سونىمەن قاتار زاڭداردىڭ تيىمدىلىگى ولاردىڭ ءىس جۇزىندە قانشالىقتى دۇرىس ورىندالۋىنا بايلانىستى ەكەنىن باسا ايتىپ, قۇقىقتىق جۇيەنى جەتىلدىرۋ جۇمىستارى جالعاسا بەرەتىنىن جەتكىزدى.
«مەملەكەت باسشىسىنىڭ باستامالارى ەلدىڭ تۇراقتى دامۋىن قامتاماسىز ەتۋگە جانە ادىلەتتى قوعام قۇرۋعا باعىتتالعان. پرەزيدەنتتىڭ سىندارلى ۇستانىمدارى مەن رەفورمالارىن قولداۋ ارقىلى ءبىز تاۋەلسىز قازاقستاننىڭ جارقىن بولاشاعىنا سەنىمدى قادام جاسايمىز», دەپ جازدى دەپۋتات.
