بەرەكەلى بىكوۆ

شىعىس وڭىرىندە قازاقستان حالقى اسسامبلەياسىنىڭ 20 جىلدىعى اياسىندا كوپتەگەن قايىرىمدىلىق جوبالارى جۇزەگە اسىرىلىپ جاتىر. ايتالىق, «قحا – 20 ىزگى ءىس» جوباسى شەڭبەرىندە ۆلاديمير كوشەلەۆ گلۋبوكوە اۋدانىنىڭ بەلوۋسوۆكا كەنتىندەگى جاستار كوشەسى بويىندا ورنالاسقان №8 كوپپاتەرلى تۇرعىن ۇيگە جىلۋ قۇبىرىن تارتىپ بەردى. سونداي-اق, ول بەلوۋسوۆكا كەنتىندەگى مەكتەپكە قارجىلىق قولداۋ كورسەتىپ, اۋدانداعى ارداگەرلەرگە, قوعامدىق ۇيىمدارعا ماتەريالدىق كومەك ءۇشىن 8 ميلليون تەڭگەدەن استام قارجىسىن جۇمساسا, سەمەي قالاسىنداعى «ءباي­­شەشەك» بالاباقشاسى جاع­دايى تومەن وتباسىلاردىڭ بالالارىنا 21 ميلليون تەڭگە ءبولدى. سەمەيلىك «ۆوزروجدەنيە» ۇيىمى مۇمكىندىگى شەكتەۋلى بالالار مەن جالعىزباستى, كەمباعال جاندارعا 3 ميلليون تەڭگەدەن استام قاراجات جۇمسادى. وسى سياقتى جۇمىستار وب­لىس­­­تىڭ باسقا دا قالالارى مەن اۋداندارىندا اتقارىلۋدا. اسىرەسە, «قازمىرىش» جشس باس­قارۋشى ديرەكتورى اندرەي لا­زارەۆ, ۇلتتىق يادرولىق ورتالىق قىز­مەتكەرى سەرگەي كۋزنەتسوۆ, «شى­عىسقۇرىلىس» جشس ديرەكتورى نۇرلان تۇراروۆ جانە باسقا دا كاسىپ­ورىندار وكىلدەرى مەن جەكە كاسىپكەرلەردىڭ يگى ىستەرىن تىزبەلەپ ايتا بەرۋگە بولادى. سونداي ىزگى جانداردىڭ ءبىرى سەر­گەي بىكوۆتى ءوڭىر تۇرعىندارى جاقسى بىلەدى. بورودۋليحا اۋدا­نىنىڭ كراسنىي يار اۋىلىندا تۇراتىن سەرگەي نيكولاەۆيچ تۋعان اۋىلىنىڭ اتىمەن اتالاتىن شارۋا قوجالىعىنىڭ جەتەكشىسى. 1998 جىلى تىركەۋدەن وتكەن شا­رۋا­شىلىق بۇگىندە اۋدانداعى بىرەگەي الەۋەتتى جۇمىس بەرۋشى كاسىپورىنعا اينالىپ قانا قويماي, الەۋمەتتىك ماسەلەلەرگە دە دەن قويۋىمەن ەرەكشەلەنەدى. مال جانە ەگىن شارۋاشىلىعىمەن شۇعىل­داناتىن «كراسنىي يار» قوجالىعى 8 مىڭ گەكتارعا جۋىق جەر تەلىمىن ماقساتتى تۇردە پايدالانىپ وتىر. جىل سايىن ىرگەلەنگەن شارۋا قوجالىعى بۇگىندە 40 تراكتور, 20-عا جۋىق كومباين مەن 10 جۇك كولىگىنەن تۇراتىن ماتەريالدىق-تەحنيكالىق بازاسىن جاساقتادى. قوجالىقتا بيداي, س ۇلى, ار­پا, كۇنباعىس ءوسىرىلىپ, 300-دەن اس­تام ءىرى قارا, 200-دەن استام جىل­­­قى باعىلادى. بارلىق ىستە اۋىل­داستارىنىڭ قولداۋى مەن ءسۇيىس­پەنشىلىگىنە يە بولعان شارۋا قو­جالىعىنىڭ جەتەكشىسى سەرگەي بىكوۆ اۋداندىق ءماسليحاتتىڭ ءۇش شاقىرىلىمىنا دەپۋتات بولىپ سايلاندى. بىلىكتى مامان ءماسليحاتتىڭ اگروونەركاسىپتىك كەشەن, ەكولوگيا جانە قورشاعان ورتانى قورعاۋ جونىندەگى تۇراقتى كوميسسياسىنىڭ توراعاسى ەكەنىن دە ايتا كەتەيىك. ەڭ باستىسى, «كراسنىي يار» شارۋا قوجالىعىنىڭ شاپاعاتى تيمەگەن اۋىل تۇرعىندارى نەكەن-ساياق. قان­شاما جۇمىس كوزىن تاۋىپ بەرگەن قوجالىقتىڭ قايىرىمدىلىق شارالارىمەن اتى شىققان دەۋ­گە بولادى. ماسەلەن, كراسنىي يار اۋىلىندا سەرگەي بىكوۆتىڭ دەمەۋشىلىگىمەن بۇلدىرشىندەرگە ارنالعان شاعىن ورتالىق بوي كوتەردى. بوس تۇرعان عيماراتقا كۇردەلى جوندەۋ جۇرگىزۋدىڭ ءناتي­جەسىندە اتالعان نىسان مەكتەپكە دەيىنگى مەكەمەگە اينالدى. وسى ارقىلى اۋىل بالالارىنىڭ تەگىن بالاباقشامەن قامتىلۋىنا كو­مەك قولىن سوزعان كاسىپكەردىڭ ىزگى ارەكەتىنە سۇيسىنبەسكە ءاددىڭىز قالمايدى! بۇل جوباعا كاسىپكەر 9 ميلليون تەڭگە قاراجاتىن جۇم­سادى. قازىر شاعىن ورتالىقتا 25 ءبۇلدىرشىن تاربيەلەنۋدە. ول, سونداي-اق, جاڭا تۋعان ءسابي­لەر مەن الەۋمەتتىك جاعىنان از قام­تىلعان وتباسىلارىنا ۇنە­مى كومەك كورسەتىپ جۇرەدى. جاس وتباسىلاردىڭ ۇيلەنۋ تويى شىعى­نىنىڭ تەڭ جارتىسىن كوتەرىسىپ, دۇنيەگە كەلگەن ءار سابيگە 150 مىڭ تەڭگە كولەمىندە سىياقى بەرۋدى داستۇرگە اينالدىرعان. وسىدان ەكى جىل بۇرىن كامەلەتتىك جاسقا تولماعان ەكى بالا تاربيەلەپ وتىر­عان جاس وتباسىنا باسپانا سىيلادى. ءۇش اۋىلدىق وكرۋگكە قىزمەت كورسەتەتىن «جەدەل جاردەم» كولىگىن تارتۋ ەتكەنى ءۇشىن اۋىلداستارى ءدان ريزا. ودان بولەك, اۋىلدىق كلۋب­تى ىسكە قوسىپ, اۋداندىق زيرات-قو­­رىمدى قورشاپ بەردى. اردا­گەرلەرگە ارنالعان ەسكەرتكىش ورناتتى. بالالار كۇنى مەن قارتتار ايلىعىندا, تاۋەلسىزدىك مەرەكەسى مەن اۋىل شارۋاشىلىعى ەڭبەك­كەرلەرى كۇنى اياسىندا اۋىلداستارىنا تۇراقتى سىي-سىياپات جاساپ تۇرادى. جالپى, ول وسىعان دەيىن 40 ميلليون تەڭگەنىڭ كومەگىن بەرىپتى. اتىمتاي ازاماتتىڭ ەڭبەگى ەش ەمەس. سەرگەي بىكوۆ «قۇرمەت» وردەنى مەن «ەرەن ەڭبەگى ءۇشىن» مەدالىنىڭ يەگەرى, بورودۋليحا اۋدانىنىڭ قۇرمەتتى ازاماتى اتاندى. ەكى مارتە ەلباسى­نىڭ العىس حاتىمەن, اۋىل شارۋا­شى­لىعى ءمينيسترى مەن وبلىس اكىمىنىڭ قۇر­مەت گراموتا­لارىمەن, باسقا دا بيىك دارەجەلەرمەن ما­راپاتتالىپ, شىعىس قازاقستان وبلىسىنىڭ ۇزدىك فەرمەرى اتاندى. وسىنىڭ بارلىعىندا ولشەۋسىز ەڭبەك, ازا­ماتتىڭ اقجارقىن بول­مىسى مەن ادامگەرشىلىگى, اۋىل­داستارىنىڭ اق تىلەگى مەن ريزاشىلىعى جاتىر. دۋمان اناش, «ەگەمەن قازاقستان». شىعىس قازاقستان وبلىسى, بورودۋليحا اۋدانى.