حولدينگ كورمەسى ءوتتى

كەشە استانادا “پاراسات” ۇلتتىق عىلىمي-تەحنولوگيالىق حولدينگى” اق قىزمەتىنىڭ شەڭ­بەرىندە ىسكە اسىرىلاتىن جوبالار كورمەسى ءوتتى. ونى پرەمەر-مينيستر كارىم ءماسىموۆ ارنايى كەلىپ تاماشالادى. اتالعان كورمەدە بىرنەشە جوبالارمەن تانىستىرۋ جۇرگىزىلدى. “كرەميني-الاتاۋ” قازاق­ستان-قىرعىزستان جوباسى كرەم­ني­ ءوندىرىسىن جولعا قويىپ, قىر­عىزستان اۋماعىندا جۇقاۇل­دىر­لى كۇن مو­دۋلدەرىن جاساۋدى ۇي­ىم­داستىرماق. بۇل جوبا ەلىمىزدە جوعارى تەحنولوگيالىق كرەمني ءونىمىن الىپ, ونى ەكسپورتتاۋعا قىز­مەت ەتەدى. ال “اتەروليد”, “ساۋسالين”, “ەكدي­فيت” فيتو­پرە­پا­راتتارى قاراعاندى فارما­تسەۆ­تيكالىق كەشەننىڭ ءۇشىنشى كەزەگىن ىسكە قوسقاندا وندىرىستىك نەگىزگە قويىلاتىن بولادى. حولدينگ وسىنداي جوعارى تەح­نولوگيالىق نەگىزدەگى باسقا دا ءبىر­قاتار جوبالاردى ازىرلەۋ ۇستىندە. كورمەنى وتكىزۋ بارىسىندا “پا­راسات” ۇلتتىق عىلىمي-تەح­نو­لو­گيا­لىق حولدينگى” اق-نىڭ باس­قارما ءتور­اعاسى نۇرالى بەكتۇر­عا­نوۆ حول­دينگتىڭ قىزمەتى ستراتە­گيا­لىق مەم­لەكەتتىك ماقساتتار مەن ءمىن­دەتتەرگە سايكەس ىسكە اسى­رى­لا­تىن باسىم باعىتتارعا قاراي باعىتتالاتىن­دىعىن اتاپ كورسەتتى. ءابدىراحمان قىدىربەك.