سوعىس جىلدارى قوستانايدا مەرگەندەر دايىندالعانى انىقتالدى

قوستاناي. 1 مامىر. بۇل تۋرالى دەرەكتى قوستاناي وبلىستىق ءارحيۆىنىڭ قىزمەتكەرلەرى تاپتى. سپايپەر مەكتەبى قوستاناي وبلىسىنىڭ فەدوروۆ اۋدانىندا ورنالاسىپتى. بۇل تۋرالى egemen.kz ءتىلشىسى حابارلادى. سوعىس جىلدارى جاۋدىڭ بەتىن قايتارۋدا مەرگەندەردىڭ ورنى ەرەكشە بولعانى ايان. سول ءۇشىن قىزىل ارميانىڭ تەڭ جارتىسىنان كوبى وسى  مەرگەندىككە دايىندالدى. ادامداردى جاپپاي وقىتپاسا  ۋاقىت كۇتپەيتىن ەدى. مەرگەندەر كۋرسى مەن مەكتەپتەرى قۇرىلدى. قوستاناي وبلىستىق ءارحيۆىنىڭ  قىزمەتكەرى اننا كورپۋحينا تولىپ جاتقان رەسمي قۇجاتتاردىڭ اراسىنان 1942 جىلى قوستاناي  وبلىسىنىڭ فەدوروۆ اۋدانىندا مەرگەندەر مەكتەبى جونىندە فەدوروۆ اۋداندىق اتقارۋ كوميتەتىنىڭ قاۋلىسىن تاۋىپ الدى. وبلىستىق  ارحيۆ قىزمەتكەرى ناتاليا كورپۋحينا: «ەكى ايدىڭ ىشىندە 60 ادام مەرگەن بولىپ شىعۋى  ءتيىس.  جاتتىعۋ وتە قيىن بولدى.  مەرگەندىككە نەگىزىنەن 1925-1927 جىلى دۇنيەگە كەلگەن جاستار وقىتىلدى», دەدى. قوستاناي وبلىسى سوعىس جىلدارى باسقا دا ماماندىقتاردى وقىتىپ شىعاردى. مىسالى, سول جىلدارى 42 مىڭ  ادام اسكەري دايىندىقتان ءوتۋى قاجەت بولدى. سول جىلدارى اتقىشتار, پۋلەمەتشىلەر, تانك اتقىشتارى,  تەلەگرافيستوۆ مەن راديستەر وقىپ شىقتى. الايدا فەدوروۆ اۋدانىندا مەرگەندەر مەكتەبىنىڭ قاي جەردە ورنالاسقانىن تابىلمادى, ول تۋرالى قۇجاتتاردا ايتىلماعان. سونىمەن قاتار سنايپەرلىك مەكتەپتە ايەلدەر نەمەسە ەر ادامدار دايىندالدى ما—ول جاعى دا جۇمباق. كوماندير  ەسەپتەرىنەن بەلگىلى بولعانداي, مايدانعا قوستاناي وبلىسىنداعى  مەرگەندەر مەكتەبىندە 100 ادام وقىپ شىعىپ, وتاندى ۆينتوۆكامەن قورعادى. ءنازيرا جارىمبەتوۆا. دەرەك, سۋرەت: egemen.kz