جاساندى ينتەللەكت: جەتىستىككە اپارار جول

ۇلتتىق جاساندى ينتەللەكت پلاتفورماسى قۇرىلدى

پرەزيدەنت باستاماسىمەن جاڭا جوبا – ۇلتتىق جاساندى ينتەللەكت پلاتفورماسى ىسكە قوسىلدى. بۇل جۇيە مەملەكەتتىك ورگاندار مەن ءىرى كاسىپورىنداردىڭ مالىمەتتەرىن ءبىر جەرگە جيناپ, ولاردى ءتيىمدى پايدالانۋعا مۇمكىندىك بەرەدى. پلاتفورمانىڭ باستى ماقساتى – دەرەكتەردى قولجەتىمدى ەتىپ, ولاردى ەكونوميكانىڭ ءتۇرلى سالالارىندا پايدالانۋ ارقىلى تيىمدىلىكتى ارتتىرۋ.

پرەزيدەنت بۇل باستامانىڭ تەك تەحنولو­گيالىق جەتىستىكتەرگە عانا ەمەس, سونىمەن قاتار ەلدىڭ تسيفرلىق ەگەمەندىگىن نىعايتۋعا دا باعىتتالعانىن اتاپ وتكەن. دەرەكتەردى دۇرىس باسقارۋ, جاساندى ينتەللەكتتى دامىتۋ – قازىرگى زاماننىڭ باستى تالابى.  جوبا اياسىندا مەملەكەتتىك ورگانداردىڭ دەرەكتەرى «Smart Data Ukimet» جۇيەسى ارقىلى جيناقتالادى. وعان 93 اقپاراتتىق بازا قوسىلعان.

«AI-Center» اشىلدى

سونداي-اق بيىل «Astana Hub» تەحنوپار­كىندە جاساندى ينتەللەكت جوبالارىن ازىرلەۋگە ارنالعان «AI-Center» ورتالىعى ىسكە قوسىلدى. بۇل ورتالىق ستارتاپتارعا قولداۋ كورسەتىپ, ولاردىڭ جاھاندىق نارىققا شىعۋىنا كومەك­تەسەدى.  «AI-Center» جاساندى ينتەللەكت سالاسىن­داعى جاڭا يدەيالاردى جۇزەگە اسىرۋعا ارنالعان.

سونىمەن قاتار «AI.AstanaHub.com» تسيفرلىق پلاتفورماسى ەلىمىزدىڭ جاساندى ينتەللەكت سالاسىنداعى جەتىستىكتەرى تۋرالى اقپارات تاراتىپ, رەسۋرستار مەن مالىمەت­تەر بازاسىن قولجەتىمدى ەتەدى. بۇل پلاتفورما جوبالارىنا جاساندى ينتەللەكتتى پايدالانعىسى كەلەتىندەرگە ءبىلىم بەرىپ, قولداۋ كورسەتەدى.

«Astana Hub» بۇگىندە ەلىمىزدەگى ەڭ ءىرى يننوۆاتسيالىق ورتالىققا اينالدى. ول وتان­دىق جانە شەتەلدىك ستارتاپتاردى بىرىكتى­رىپ, تەحنولوگيالىق دامۋعا جول اشىپ وتىر. 

ۇلتتىق ءتىل مودەلى

وتاندىق عالىمدار قازاق تىلىندە جۇمىس ىستەيتىن ۇلتتىق ءتىل مودەلىن جاساۋعا كىرىستى. بۇل باستاما شەتەلدىك باعدارلامالارعا تاۋەل­دىلىكتى ازايتىپ, مەملەكەتتىك ءتىلدىڭ قولدانۋ اياسىن كەڭەيتۋگە باعىتتالعان. جو­بانىڭ ماق­ساتى – قازاق تىلىندە جاسالعان مالىمەتتەردى سۋپەركومپيۋتەرلەردىڭ كومە­گىمەن وڭدەپ, جاساندى ينتەللەكتىنىڭ مۇم­كىندىگىن ارتتىرۋ. 

العاشقى كەزەڭدە 6 ميلليارد سوزدەن تۇراتىن دەرەكقور قۇرىلىپ, قازاق تىلىندەگى مالىمەتتەر جيناقتالدى. بۇل دەرەكقور ۇلكەن تىلدىك مودەلدى (LLM) جەتىلدىرۋگە نەگىز بولماق. عىلىم جانە جوعارى ءبىلىم مينيسترلىگى وسى جوبا ارقىلى قازاق ءتىلىنىڭ مادەني جانە تىلدىك مۇراسىن دامىتۋ ماقساتىندا ۇلكەن تىلدىك مودەل (LLM) جاساۋدى قولعا الىپ جاتىر.

بۇل جوبانى بىرنەشە ءبىلىم بەرۋ ۇيىمى بىرلەسىپ جۇزەگە اسىرىپ, ولاردىڭ قاتا­رىندا اقپاراتتىق جانە ەسەپتەۋ تەحنولوگيالارى ينس­تيتۋتى, ءال-فارابي اتىنداعى قازۇۋ, ق.ساتباەۆ ۋنيۆەرسيتەتى, نازارباەۆ ۋنيۆەرسيتەتى, ش.شاياح­مەتوۆ اتىنداعى ء«تىل-قازىنا» ننپتس, ا.باي­تۇرسىنوۆ اتىنداعى ءتىل ءبىلىمى ينستيتۋتى بار. 

عالىمدار قازىردىڭ وزىندە 6 ميلليارد سوزقولدانىس جيناپ, سۋپەركومپيۋتەرلەردىڭ كومەگىمەن ۇلتتىق ءتىل مودەلىن وقىتۋ جۇمىسىن باستادى. بۇل جوبا قازاق ءتىلىنىڭ دامۋىنا عانا ەمەس, جاساندى ينتەللەكتىنىڭ الەۋەتىن ارتتىرۋعا دا ىقپال ەتەتىن ماڭىزدى قادام.

مامان دايارلاۋ قولعا الىندى

جاساندى ينتەللەكت بويىنشا سەرتيفيكات بەرەتىن اشىق كۋرستار ازىرلەنىپ, 2029 جىلعا دەيىن 80 مىڭنان استام ادامدى وقىتۋ جوس­پارى بەكىتىلدى. بۇل باستاما سالاداعى ماماندار تاپشىلىعىن شەشۋگە, سونداي-اق ماماندار بىلىكتىلىگىن ارتتىرۋعا باعىتتالعان. 

قازىرگى ۋاقىتتا 17 جوعارى وقۋ ورنىندا جاساندى ينتەللەكت بويىنشا 15 ءبىلىم باعدارلاماسى نەگىزىندە 2 196 ستۋدەنت ءبىلىم الادى. بۇدان بولەك, جاساندى ينتەللەكت سالاسىندا ماماندار دايارلاۋعا باكالاۆرياتقا جاڭا ماماندىق ەنگىزىلمەك. «جاساندى ينتەللەكت» باعدارلاماسى 3 جىل وقىتىلادى. ماماندىق «University Alliance of Science and Technology» ۋنيۆەرسيتەتتەر اليانسى مەن «NNEF» قوعامدىق قورىنىڭ قولداۋىمەن ازىرلەندى. باعدارلاما 2024 جىلعا ارنالعان جوعارى ءبىلىم بەرۋ ۇيىمدارىنىڭ جول كارتاسىنا ەنگىزىلدى. 

الەمگە تانىمال پەداگوگ نيكولاس ساديراك ازىرلەگەن 01 Edu پلاتفورماسىندا جۇمىس ىستەيتىن «Tomorrow School» مەكتەبى اشىلدى. بۇل مەكتەپتىڭ ەرەكشەلىگى — يننوۆاتسيالىق peer-to-peer وقىتۋ جۇيەسى, ياعني ستۋدەنتتەر ءوزارا تاجىريبە ءبولىسىپ, ءبىر-بىرىنە ءبىلىم بەرەدى. وسى جۇيە بويىنشا وقىعان تۇلەكتەردىڭ 90%-ى كۋرستى اياقتاعاننان كەيىن جۇمىسقا ورنالاسىپ, ءادىستىڭ تيىمدىلىگىن دالەلدەگەن.

جاساندى ينتەللەكت سالاسىنداعى جۇمىس كەلەسى جىلى دا قارقىندى بولماق. ماسەلەن,  استانادا «Alem.ai» اتتى حالىقارالىق جاساندى ينتەللەكت ورتالىعىن اشۋ جوسپارلا­­نىپ وتىر. بۇل ورتالىق جي جوبالارىن دامىتىپ, ەلى­مىزدى ورتالىق ازياداعى كوشباس­­شى­­عا اينال­دىرۋعا ىقپال ەتپەك.