«سولتۇستىكقازاقستاندىق كەڭەس وداعىنىڭ باتىرلارى» كىتابى جارىق كوردى

پەتروپاۆل. 1 مامىر.  وبلىستىق مۇراعات جەڭىستىڭ 70 جىلدىعى قارساڭىندا  «سولتۇستىكقازاقستاندىق كەڭەس وداعىنىڭ باتىرلارى»  اتتى جيناقتى وقىرماندارعا ۇسىندى. بۇل تۋرالى egemen.kz ءتىلشىسى حابارلادى. كىتاپتىڭ تانىستىرىلىمىندا سويلەگەن سوزىندە وبلىس اكىمىنىڭ ورىنباسارى  انارحان دۇيسەنوۆا   كەشەگى قىرعىن شايقاستارداعى  بوزداقتاردىڭ ەرلىكتەرىن تاتۋلىقتا, بىرلىكتە ءومىر ءسۇرىپ جاتقان قازاقستاندىقتار ەشقاشان ۇمىتپايتىنىن, وتانشىلدىقتىڭ وشپەس بەلگىسى رەتىندە باعالايتىنىن جەتكىزدى. «مۇراعاتتىق قۇجاتتارعا نەگىزدەلگەن باسىلىمعا 55  كەڭەس وداعىنىڭ باتىرلارى مەن جانە  11 داڭق وردەنىنىڭ  تولىق يەگەرلەرى ەنگەن.  ماتەريالدار رەسەي, بەلارۋس,  رەسپۋبليكالىق, وبلىستىق مۇراعاتتاردان   جينالدى.  ار جەرلەسىمىزدىڭ ماراپات پاراقشالارى, مايداننان جازىلعان حاتتار, ماقالالار,  ەستەلىكتەر توپتاستىرىلعان.  ستۋدەنت-جاستار  ۇشىن وتە پايدالى قۇرال بولارى انىق», - دەيدى وبلىستىق مۇراعاتتىڭ ديرەكتورى ساۋلە مالىكوۆا. جيناق قازاق جانە ورىس تىلدەرىندە جارىق كوردى. ءومىر ەسقالي. دەرەك, سۋرەت:  سولتۇستىك قازاقستان وبلىستىق مۇراعاتى.