فوتو: اشىق دەرەككوزدەن
بيىل دەپارتامەنت كولەڭكەلى بيزنەستىڭ 40 جاعدايىن تىركەگەن. سونىڭ باسىم بولىگى سوتقا جەتكىزىلىپ, زاڭسىز ىسپەن اينالىسۋشىلار ءتيىستى جازاسىن العان. سامات شارىشەۆتىڭ سوزىنە قاراعاندا, زاڭسىز الىنعان تابىستىڭ 1 ملرد تەڭگەسى ءوندىرىلىپ, مەملەكەت بيۋدجەتىنە اۋدارىلعان. سونىڭ ىشىندە 700 ملن تەڭگەسى قولما-قول اقشامەن قابىلدانىپتى.
«كولەڭكەلى ەكونوميكانىڭ ەڭ اۋىر زاردابىنىڭ ءبىرى – سالىق ءتۇسىمىن تومەندەتۋ. بۇل الەۋمەتتىك باعدارلامالار مەن ينفراقۇرىلىمدى قارجىلاندىرۋعا كەرى اسەرىن تيگىزەدى. ءبىز سالىق تولەۋدەن جالتارۋدىڭ 3 فاكتىسىن انىقتادىق, ونىڭ 2-ەۋى وندىرىسپەن اياقتالدى جانە شامامەن 500 ملن تەڭگە وتەلدى. بيىل زاڭسىز كاسىپكەرلىكتى جۇزەگە اسىرۋ فاكتىسى بويىنشا 4 ىسكە سوتقا دەيىنگى تەرگەۋ جۇرگىزىلدى. بۇل – نەگىزىنەن اكتسيزدەلەتىن ءونىمنىڭ زاڭسىز اينالىمىنا بايلانىستى قىلمىستىق ىستەر. زاڭسىز اينالىمنان 136 مىڭنان استام تەمەكى قورابى مەن 1 000 ليتردەن استام سۋرروگات الكوگول الىندى», دەدى ەتتد ورىنباسارى.
سونداي-اق وبلىستا جەكە تۇلعالاردىڭ تسيفرلىق اكتيۆ اينالىمى بويىنشا زاڭسىز كاسىپكەرلىك قىزمەتتى جۇزەگە اسىرۋدان مەملەكەت كىرىسىنە شامامەن 400 ملن تەڭگە سوماعا م ۇلىك پەن كريپتواكتيۆ تاركىلەنگەن.
«مەملەكەت باسشىسى ەلدىڭ ەكونوميكالىق قاۋىپسىزدىگىنە ناقتى قاۋىپ توندىرەتىن, حالىقتىڭ ءال-اۋقاتىنا تەرىس اسەر ەتەتىن, قارجى ينستيتۋتتارىنىڭ جۇمىسىنا تەرىس كوزقاراس قالىپتاستىراتىن جانە كەيىن وتكىر الەۋمەتتىك قاقتىعىسقا اكەپ سوقتىراتىن قارجى پيراميدالارىن جويۋ مىندەتىن قويدى. ءبىز ولاردى انىقتاۋ, جولىن كەسۋ جانە الدىن الۋ بويىنشا تۇراقتى نەگىزدە جۇمىس جۇرگىزەمىز», دەدى س.شارىشەۆ.
قارجى پيراميدالارىن قۇرۋ فاكتىلەرى بويىنشا جىل سايىن بىرنەشە قىلمىستىق ءىس تىركەلەدى. وسى جىلى 3 قىلمىستىق ءىس تىركەلىپ, ونىڭ 2-ەۋى سوتقا جىبەرىلدى. مىسالى, «Qnet» قۇرىلىمدىق بولىمشەلەرىنىڭ زاڭسىز قىزمەتىنە 125 ازامات تارتىلىپتى, ولارعا 120 ملن تەڭگەدەن استام شىعىن كەلتىرىلدى, 20,5 ملن تەڭگەلىك م ۇلىككە تىيىم سالىندى.
پەتروپاۆل
