كوكشەتاۋ قالاسى اكىمدىگىنىڭ 2019 جىلعى 28 تامىزداعى قاۋلىسىنا جانە قالالىق ءماسليحاتتىڭ شەشىمىنە تولىقتىرۋ ەنگىزىلدى. جاڭا قۇجاتقا سايكەس وبلىس ورتالىعىندا تۇراتىن زەينەتكەرلەر وسىنداي جەڭىلدىككە يە بولىپ وتىر.
– كوكشەتاۋ قالاسىندا 28 مىڭنان ارتىق ەگدە ادامدار تۇرادى. زەينەتكەرلەردىڭ كوبىنىڭ باراتىن جەرى ەمحانا مەن اۋرۋحانا, – دەيدى قالالىق ارداگەرلەر كەڭەسىنىڭ توراعاسى شياپ اليەۆ. – بۇل قامقورلىقتى اعا بۋىن وتە جاقسى قابىلدادى. قولدان كەلىپ جاتسا زامانىندا ەل يگىلىگىن ەسەلەپ, ارتتىرۋعا قيساپسىز ەڭبەك ەتكەن اعا بۋىندى قولتىقتارىنان دەمەپ, كومەك كورسەتكەنگە نە جەتسىن.
قالا اكىمدىگىنىڭ قاۋلىسى مەن ءماسليحاتتىڭ شەشىمى 1 قاڭتاردان باستاپ قولدانىسقا ەنگىزىلەدى.
– استانا قالاسىنىڭ تۇرعىندارى وسىنداي جاقسىلىقتى كورىپ وتىرعاندارىنا بىرنەشە جىل بولدى دەپ ەستىدىك. ەندى ءبىزدىڭ جەرلەستەرىمىز دە وسىنداي يگىلىككە يە بولادى, – دەدى قالا تۇرعىنى ەسەنباي كەرەەۆ.
كوكشەتاۋ قالاسى
