وڭىرلىك بولىمشەلەر سانى 87-دەن 28-گە دەيىن قىسقارتىلىپ, نەگىزگى قىزمەتتەردىڭ جۇمىسىن كۇشەيتۋگە مۇمكىندىك بەردى. تسيفرلاندىرۋ بويىنشا ۆيتسە-مينيستر لاۋازىمى ەنگىزىلدى, سونىمەن قاتار رەسپۋبليكالىق جەدەل شتاب جاڭعىرتىلدى.
ورتپەن كۇرەسكە ەرەكشە نازار اۋدارىلىپ جاتىر. 2024 جىلى 324 تابيعي ءورت تىركەلدى. بۇل 2023 جىلمەن سالىستىرعاندا (868 ءورت) 2,6 ەسە از. قاراعاندى, اقمولا, قوستاناي وبلىستارىنداعى ورمانداردا ءورتتى ەرتە انىقتاۋ جۇيەسىن ەنگىزۋ ورمانداعى ءورت اۋماعىن ايتارلىقتاي ازايتۋعا ىقپال ەتتى.
قۇتقارۋشىلاردىڭ جۇمىس جاعدايىن جاقسارتۋ ماقساتىندا تەحنيكا مەن جابدىقتاردى جاڭارتۋ جۇمىستارى جالعاسىپ جاتىر. قوستاناي وبلىسىندا قۇتقارۋشىلاردىڭ قىزمەتتىك كيىمدەرىن جاقسارتۋ بويىنشا قاناتقاقتى جوبا ىسكە قوسىلىپ, وڭ ناتيجە كورسەتتى. ازاماتتىق قورعانىستىڭ جاڭا اسكەري بولىمدەرىن قۇرۋ, ونىڭ ىشىندە تەز قۇراستىرىلاتىن كونسترۋكتسيالاردان ءورت ءسوندىرۋ دەپولارىن سالۋ بويىنشا جۇمىس جۇرگىزىلىپ جاتىر. ءبىرىنشى جوبا 2024 جىلى استانادا 3,5 اي ىشىندە ىسكە اسىرىلدى.
سونداي-اق قازاقستاننىڭ باتىس ايماعىندا تج جەدەل ارەكەت ەتۋدى قامتاماسىز ەتۋ ءۇشىن «تەڭىز جاساعى» اتتى جاساق قۇرۋ ماڭىزدى قادام بولدى. الماتى, ورال, وسكەمەن, قوستاناي قالالارىندا قۇتقارۋ باتالوندارى قايتا ورنالاستىرىلدى. بۇل جەدەل قامتۋدى كەڭەيتىپ, كۇشتەر مەن قۇرالداردى تاسىمالداۋعا كەتەتىن شىعىنداردى قىسقارتۋعا مۇمكىندىك بەردى.
وسى جىلدان باستاپ قازاقستان توتەنشە جاعدايلارعا ارەكەت ەتۋ جۇيەسىن جەتىلدىرۋدى كۇشەيتتى. بيىل «112» بىرىڭعاي كەزەكشى-ديسپەتچەرلىك قىزمەتىنىڭ پۋلتىنە حالىقتان 4,7 ميلليوننان اسا قوڭىراۋ ءتۇستى. تجم كۇشتەرىمەن 14 مىڭنان اسا ادام قۇتقارىلدى, 66,5 مىڭ ادام ەۆاكۋاتسيالاندى, 8 مىڭ زارداپ شەككەن ادامعا مەديتسينالىق-پسيحولوگيالىق كومەك كورسەتىلدى. سونىمەن قاتار 83,3 مىڭنان اسا شۇعىل شاقىرتۋعا شىقتى. مۇنىڭ 10 مىڭى – ءورت وقيعاسى, 19 مىڭعا جۋىعى اپاتتىق-قۇتقارۋ جۇمىسى.
ىزدەۋ-قۇتقارۋ جۇمىسىنا, ونىڭ ىشىندە اۋە كەمەلەرىن قولدانۋعا ەرەكشە نازار اۋدارىلدى. 2024 جىلى «قازاۆياقۇتقارۋ» اق اۋە كەمەلەرى 2,5 مىڭنان اسا تاپسىرىس ورىندادى. مۇنىڭ 395-ءى سانيتارلىق اۆياتسيا جانە 356 ناۋقاس تاسىمالداندى.
تجم جۇمىسىنداعى ماڭىزدى باعىتتاردىڭ ءبىرى – توتەنشە جاعدايلاردىڭ الدىن الۋ جۇيەسىن دامىتۋ. 2024 جىلى سۋ ايدىندارىنداعى جاعدايدى انىقتاۋ جانە باقىلاۋ ماقساتىندا گەواقپاراتتىق جۇيەلەر مەن ۇشقىشسىز ۇشۋ اپپاراتتارىن قولدانا وتىرىپ, مونيتورينگ جۇيەسىن جاڭعىرتۋ جۇمىسى جالعاستى. سونىمەن قاتار تجم مەن ءىىم ۆەدومستۆولىق جەلىلەرىن بىرىكتىرەتىن رەسپۋبليكالىق جەدەل تسيفرلىق راديوبايلانىس جۇيەسى ەنگىزىلدى. بۇل توتەنشە جاعدايلارعا جەدەل جانە ءتيىمدى ارەكەت ەتۋ ءۇشىن ۇيلەسىمدىلىك دەڭگەيىن ايتارلىقتاي ارتتىردى.
وندىرىستەگى بۇزۋشىلىقتاردى, اپاتتاردى, وقيعالاردى جانە جازاتايىم جاعدايلاردى ازايتۋ ماقساتىندا ەلدە 2030 جىلعا دەيىنگى قاۋىپسىز ەڭبەك تۇجىرىمداماسى بەكىتىلدى.
ەلدەگى سەيسميكالىق قاۋىپسىزدىكتى قامتاماسىز ەتۋ ماقساتىندا 2028 جىلعا دەيىن سەيسمولوگيا سالاسىن دامىتۋ بويىنشا كەشەندى جوسپار بەكىتىلدى.
ەلدىڭ 14 وڭىرىندە سۋ تاسقىنى كەزەڭىندە 120 مىڭ ادام, ونىڭ ىشىندە 354 مۇمكىندىگى شەكتەۋلى ادام جانە 45 مىڭنان اسا بالا قۇتقارىلىپ, ەۆاكۋاتسيالاندى. 2024 جىلى ەلىمىزدە تج سانى 2023 جىلمەن سالىستىرعاندا 1,7%-عا ازايدى, ال زارداپ شەككەندەر سانى 10,8%-عا تومەندەپ, 2023 جىلعى 1 751 ادامنان 2024 جىلى 1 562 ادامعا دەيىن قىسقاردى.
