ايتا كەتەيىك, بۇعان دەيىن ءتيىستى بۇيرىققا ازەربايجان پرەزيدەنتى يلحام اليەۆ قول قويعان ەدى.
ازەربايجاندىق باق حابارلاعانداي, قايعىلى وقيعاعا بايلانىستى ەلدەگى تۋلار تومەن ءتۇسىرىلدى. سونىمەن قاتار باكۋدەگى جاڭا جىلدىق شىرشالاردىڭ شامدارى ءسوندىرىلدى.
Oxu.Az پورتالىنىڭ حابارلاۋىنشا, ازەربايجاندا ازا تۇتۋعا بايلانىستى ەلدىڭ مادەنيەت مينيسترلىگىنە قاراستى تەاتر-كونتسەرت مەكەمەلەرىندە 26 جەلتوقسانعا جوسپارلانعان بارلىق مادەني ءىس-شارا كەيىنگە شەگەرىلدى.
ەستەرىڭىزگە سالا كەتەيىك, 25 جەلتوقسان كۇنى جەرگىلىكتى ۋاقىت بويىنشا ساعات 11:30-دا باكۋدەن (ازەربايجان) گروزنىيعا (رەسەي) ۇشقان ازەربايجان اۋە كومپانياسىنىڭ جولاۋشىلار ۇشاعى اقتاۋ قالاسىنان ءۇش شاقىرىم جەردە اپاتقا ۇشىرادى. جولاۋشىلار ۇشاعى قالىڭ تۇمان سالدارىنان گروزنىيعا قونا الماي, اۋەلى ماحاچكالاعا, كەيىن اقتاۋعا باعىت العان ەدى.
