فوتو: polisia.kz
قاسكويلەر لومباردتىڭ كىلتىن الىپ, قىزمەتكەردىڭ تۇسكى ۇزىلىسكە شىققان ءساتتىن كۇتكەن. كەيىن ىشكە كىرىپ, جالپى قۇنى 45 ميلليون تەڭگەنى قۇرايتىن 654 التىن بۇيىمدى, سونداي-اق كاسساداعى ءبىر جارىم ميلليون تەڭگەدەن استام اقشانى ۇرلاپ كەتكەن.
كۇدىكتىلەر قالادان ءىز سۋىتىپ, ەلدىڭ باتىسىندا بوي تاسالاعان. جەدەل-ىزدەستىرۋ ءىس-شارالارىنىڭ ناتيجەسىندە پوليتسەيلەر كۇدىكتىلەردى ورال قالاسىنداعى ۇيلەردىڭ ءبىرىنىڭ اۋلاسىندا ۇستاعان.
ولار تۇرعىن ءۇيدى جالعا الماق بولعان. كۇدىكتىلەردىڭ باسقا ەلدىڭ ازاماتتارى ەكەنى انىقتالدى. قازىرگى ۋاقىتتا ولار قاماۋدا وتىر.
ءىىم ۇرلىق فاكتىسى بويىنشا سوتقا دەيىنگى تەرگەۋ جۇرگىزىلىپ جاتقانىن ءمالىم ەتتى.
