فوتو: ۆەدومستۆو
سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ قىتايلىق Power China كومپانياسىنىڭ قازاقستانداعى وكىلدەرىمەن كەزدەسۋ بارىسىندا ءتيىستى كەلىسىمگە قول جەتكىزدى.
ۆەدومستۆونىڭ ءباسپاسوز قىزمەتى ءمالىم ەتكەندەي, ارنايى كۋرستار توقسان سايىن وتەدى. ءساۋىر ايىندا قىتايعا 30 مامان بارادى. سودان كەيىن 25 ادامنان جاساقتالاتىن توپتار ءار ءۇش اي سايىن بىلىكتىلىك ارتتىرۋ باعدارلاماسىنا قاتىسادى. جۋىردا تاراپتار وقۋ باعدارلامالارىنىڭ تاقىرىبىن جانە باعىت-باعدارىن ايقىندايدى.
«شەتەلدىك كومپانيالارمەن جانە وزگە مەملەكەتتەرمەن كەلىسسوزدەر بارىسىندا مىندەتتى تاقىرىپتىڭ ءبىرى – بىرلەسىپ كادر دايارلاۋ جانە مامانداردىڭ بىلىكتىلىگىن ارتتىرۋ. ءبىزدىڭ ماماندار قىتايدا مول تاجىريبە جينايتىنىنا سەنىمدىمىن. بيىل مينيسترلىك سۋ شارۋاشىلىعى قىزمەتكەرلەرىنىڭ بىلىكتىلىگىن ارتتىرۋ جۇمىسىن بەلسەندى جۇرگىزدى. مىسالى, جىل باسىنان بەرى 500-دەن استام ادام مامانداندىرىلعان ورتالىقتاردا كۋرستان ءوتتى. بۇل باستاپقى جوسپاردان 12%-عا ارتىق», دەدى ن.نۇرجىگىتوۆ.
سونداي-اق مينيستر قىتايلىق كاسىپكەرلەرمەن Power China كومپانياسىنىڭ ەلىمىزدە سۋ قويمالارىن سالۋ جانە رەكونسترۋكتسيالاۋ جۇمىستارىنا قاتىسۋ ماسەلەسىن تالقىلادى. شەتەلدىك دەلەگاتتار قازاقستاندا جاڭا سۋ شارۋاشىلىعى ينفراقۇرىلىمىنا ينۆەستيتسيا سالۋعا دايىن ەكەندىكتەرىن ءبىلدىردى.
