«KAZENERGY» قاۋىمداستىعىنىڭ باس ديرەكتورى جاندوس نۇرماعانبەتوۆ قازاقستاندىق مۇنايشى-گەولوگتەر قوعامىمەن كوپجىلدىق ىنتىماقتاستىق فورۋم, كونفەرەنتسيا جانە بىرلەسكەن جوبا سياقتى باعىتتاردى قامتيتىنىن اتاپ ءوتتى.
بۇل ءوزارا ءىس-قيمىلدىڭ ماڭىزدى كەزەڭدەرىنىڭ ءبىرى 2010 جىلى قازاقستاننىڭ مۇناي-گاز جانە گەولوگيالىق سالالارىن دامىتۋعا باعىتتالعان ارىپتەستىك تۋرالى شارتقا قول قويۋ بولدى. جاڭا كەلىسىم جاڭا پەرسپەكتيۆالار اشاتىن جانە ءوزارا ارەكەتتەسۋ مۇمكىندىكتەرىن كەڭەيتەتىن زاماناۋي ۇردىستەردى, يننوۆاتسيالاردى جانە عىلىمي ازىرلەمەلەردى ەسكەرەدى.
قازاقستاندىق مۇنايشى-گەولوگتەر قوعامىنىڭ پرەزيدەنتى بالتابەك قۋاندىقوۆ ارىپتەستىك قاتىناستاردى نىعايتۋدىڭ ماڭىزدىلىعىن اتاپ ءوتتى. قاشاعان كەن ورنىنىڭ اشىلۋىنا ورايلاستىرىلعان بىرلەسكەن عىلىمي-پراكتيكالىق كونفەرەنتسيا ىنتىماقتاستىقتىڭ ماڭىزدى كەزەڭى بولماق. بۇل ءىس-شارا 2025 جىلعا جوسپارلانعان جانە مۇناي جانە گەولوگيا سالاسىنىڭ ماماندارى اراسىندا تاجىريبە, ۇسىنىستار مەن ۇزدىك تاجىريبەلەرمەن الماسۋدى قامتاماسىز ەتۋگە, سونداي-اق سەكتوردىڭ ودان ءارى دامۋىنا ىقپال ەتۋگە ارنالعان.
ايتا كەتۋ كەرەك, بالتابەك قۋاندىقوۆ كوپ جىلدىق ەڭبەكتىڭ ناتيجەسى بولىپ سانالاتىن «قازاقستان مۇناي جانە گاز كەن ورىندارىنىڭ العاش اشۋشىلارى» اتتى كىتاپتى سىيعا تارتتى.
قول قويىلعان قۇجاتتار تاراپتاردىڭ سەرىكتەستىكتى نىعايتۋعا, يننوۆاتسيالاردى دامىتۋعا جانە قازاقستاننىڭ مۇناي-گاز جانە گەولوگيالىق سالالارىندا قۇزىرەتتىلىك دەڭگەيىن ارتتىرۋعا دەگەن ۇمتىلىسىن كورسەتەدى. كەلىسىمدەر مۇناي-گاز سالاسىن ورنىقتى دامىتۋ, اقپاراتتىق-تالدامالىق زەرتتەۋلەر جۇرگىزۋ, ستاتيستيكالىق جانە تالدامالىق ماتەريالدار دايىنداۋ سياقتى سالالارداعى ىنتىماقتاستىقتى كەڭەيتۋگە باعىتتالعان. سونىمەن قاتار ولار ۇلتتىق جانە حالىقارالىق كاسىبي ارەنادا تاراپتاردىڭ وڭ ءيميدجىن قالىپتاستىرۋعا ىقپال ەتەتىن بولادى.
