قارىزىنان قۇتىلعان كوماندا

پاۆلودارلىق «Ertis» فۋت­بول كومانداسى كە­لەر جىلى ءبىرىن­شى ليگادا وينايدى. فۋتبول چەم­پيوناتىنداعى جولىن قايتادان «نولدەن» باستاۋعا ءماجبۇر بول­عان ۇجىم بيىل ەكىنشى ليگادا جەڭىمپاز اتاندى. كلۋب ديرەكتورى سەيىتبەك سەمباەۆتىڭ ايتۋىنشا, كوماندانىڭ توپ-مەنەدجمەنتى جىل بويى ەسكى قارىزداردى جابۋمەن شۇعىل­دانعان.

«Ertis»-ءتىڭ بۇرىنعى فۋتبولشىلارى مەن باپكەرلەرى الدىڭدا ءبىراز بورىش جينالىپ قالعانى ءمالىم. مۇنداي قا­رىزدىڭ سانى – 37. ءبىز وبلىس باسشىلىعىنىڭ قولداۋىمەن بارلىق ماسەلەنى رەتتەدىك. سو­نىڭ ىشىندە بولگا­ريالىق باپكەر ديميتار ديمي­تروۆپەن دە تولىق ەسەپ ايى­رىستىق. ول وزگە فۋتبولشىلار سەكىلدى قارىز سوماسىن جە­ڭىلدەتۋگە كەلىستى. كلۋبتى ساقتاپ قالۋ ماڭىزدى ەكە­نىن بارلىعى ءتۇسىندى. قازىر ءبىر عانا فۋتبولشىنىڭ, اتاپ ايتقاندا تۇرىكمەندىك لەگيونەر رۋسلان مينگازوۆتىڭ بورىشى جابىلعان جوق. فۋتبولشى قارىز سوماسىن شەگەرۋدەن باس تارتتى. ونىڭ ماسەلەسى كەلەر جىلدىڭ باسىندا شەشىلەدى», دەيدى س.سەمباەۆ.

قازىر پاۆلوداردا كوماندا قۇرامىنا جاڭادان ويىنشىلاردى ىرىكتەۋ جۇمىسى ءجۇرىپ جاتىر. كلۋبتا ويناپ جۇرگەندەر, وبلىس ورتالىعىنداعى فۋتبول مەكتەپتەرىنىڭ شاكىرتتەرى جات­تىعۋ جيىندارىندا ونەر كورسەتىپ, كوزگە تۇسكەندەرىمەن جاڭادان شارت­تار جاسالۋى مۇمكىن. جاڭا باپكەرلىك شتاب الەۋەتتى ويىن­شىلاردى تاڭدايدى. جاڭا جىل مەرەكەسىنەن كەيىن كوماندا شىم­كەنت, تاش­كەنت قالالارىندا وقۋ-جاتتىعۋ جيىندارىن وتكىزۋدى كوزدەپ وتىر. جەلتوقسان ايىنىڭ ورتاسىندا كلۋبتىڭ باس باپكەرى ني­كولاي گاۆريش كومانداسىمەن قوش ايتىستى. ازىرشە پاۆ­لودارلىق كوماندانىڭ تىز­گىنىن ۇستايتىن مامان تابىلا قويعان جوق. كەلەر جىلى «Ertis»-ءتىڭ قۇرىلعانىنا 60 جىل تولادى.

پاۆلودار وبلىسى