فوتو: قازاقستان تەمىر جولى
قازاقستان - ەۋروپا مەن ازيانى بايلانىستىراتىن ماڭىزدى ترانزيتتىك مەملەكەت. دەسە دە, دەپۋتاتتاردىڭ پىكىرىنشە, وسىنداي ستراتەگيالىق مۇمكىندىك جەتكىلىكتى دەڭگەيدە پايدالانىلماي وتىر.
قازىرگى ۋاقىتتا وتاندىق تاسىمالداۋشىلار اۆتوپاركتى جاڭارتۋ بارىسىندا قاتاڭ ەكولوگيالىق ستاندارتتاردى (كەم دەگەندە ەۋرو-4) ساقتاۋعا مىندەتتى, ياعني ودان تومەن دەڭگەيدەگى اۆتوكولىكتى اكەلۋگە تىيىم سالىنعان. ال شەتەلدىك تاسىمالداۋشىلار قازاقستان جولدارىندا كەز كەلگەن ەكولوگيالىق ستاندارتتاعى اۆتوكولىكتەردى ەركىن پايدالانادى. دەپۋتاتتار مۇنداي ولقىلىقتار وتاندىق بيزنەستى تەڭسىز جاعدايعا قويىپ, دامۋىنا كەدەرگى كەلتىرەتىنىن ايتىپ, مينيسترلىكتىڭ نازار اۋدارۋىن سۇرادى.
ماجىلىسمەندەر وتاندىق جانە شەتەلدىك تاسىمالداۋشىلارعا قويىلاتىن تالاپتىڭ الشاقتىعىنا نارازىلىق ءبىلدىرىپ, كەيىنگى 15 جىلدا وسى تەڭسىزدىكتى جويۋعا ارنالعان شارالار قابىلدانباعانىن ايتتى.
ال اۋەكومپانيالارى قولدانىلعانىنا 25 جىلدان اسقان ۇشاقپەن جۇك تاسىمالداۋعا تىيىم سالىنعانمەن, بۇل نورما ادام تاسىمالىندا ەسكەرىلمەيتىنىن دە اتاپ ءوتتى.
بۇل تالاپتار حالىقارالىق ازاماتتىق اۆياتسيا ۇيىمىنىڭ (ياعني يكاو) ستاندارتتارىنا سايكەس كەلمەيتىنى انىق. دەپۋتاتتار وسى ماسەلەگە كوڭىل اۋدارىپ, مينيستردەن مۇنداي جاعداي قالىپتاسۋىنا نەلىكتەن جول بەرىلگەنىن سۇرادى.
