«اۋىل سپورت»: اۋىلدان ۇلكەن ارمانعا جول
«AUYL SPORT» جوباسى وسىدان ءۇش اي بۇرىن 200 اۋىلدان 12 مىڭنان استام بالالار مەن جاسوسپىرىمدەر قاتىسقان وبلىستىق تۋرنيرلەردەن باستاۋ الدى. ولاردىڭ كوپشىلىگى ءۇشىن بۇل جارىس سپورت بيىگىنە اتتاعان العاشقى قادام بولدى.
«AUYL SPORT - بۇل باسەكەلەستىكتەن گورى, شابىت الاڭى. بۇل اۋىل بالالارىنىڭ جاڭا كوكجيەكتەرىن اشىپ, وزىنە سەنىپ, ۇلكەن جەتىستىكتەرگە العاشقى قادام جاساۋىنا مۇمكىندىك. ءبىز ولاردىڭ تالانتىنا سەنەمىز جانە ولاردىڭ ارمانىنا جەتۋ جولىندا قولداۋ كورسەتۋگە دايىنبىز», دەيدى «Halyk» قورىنىڭ الماتىداعى فيليالىنىڭ ديرەكتورى عالىمبەك جاقسىلىقوۆ.
جەڭىسكە العاشقى قادام
ءتۋرنيردىڭ فينالىندا بوكس, كۇرەس, كاراتە, باسكەتبول, ۆولەيبول جانە شاحمات سياقتى التى ءپان بويىنشا جارىستار ءوتتى. جارىسقا قاتىسۋشىلاردىڭ كوبىسى مۇنداي ۇلكەن ارەناعا ءبىرىنشى رەت شىقتى.
«كوبىنەسە اۋىل بالالارىنا قارجىلىق جاعدايعا بايلانىستى ءىرى تۋرنيرلەرگە قاتىسۋ قيىنعا سوعادى. «Halyk» قورىنىڭ قولداۋى ولارعا وزدەرىن كورسەتۋگە جانە جوعارى دەڭگەيدەگى باسەكەنىڭ ءدامىن تاتۋعا مۇمكىندىك بەردى. بۇل ماڭىزدى, ويتكەنى ءبىزدىڭ وليمپيادا چەمپيوندارىنىڭ كوبى اۋىلدان شىققان», دەدى ەركىن كۇرەستەن باس تورەشى بولعان بەرىك شالاباەۆ.
تۋرنير جەڭىمپازى تۇركىستان وبلىسىنان كەلگەن جاس پالۋان سامير راحماناليەۆ ءوز اسەرى تۋرالى بىلاي دەدى:
«مەن ءوز اتىمدى, اۋىلىمنىڭ اتىن اسقاقتاتا العانىما شەكسىز قۋانىشتىمىن! بۇل مەنىڭ ەڭ ۇلكەن سپورتتىق ءىس-شارام, مەن ۇيىمداستىرۋشىلارعا وسى مۇمكىندىك ءۇشىن العىس ايتامىن – ەموتسيالاردى سوزبەن ايتىپ جەتكىزۋ مۇمكىن ەمەس!»
اۋىل بالالارىنىڭ بولاشاعىنا ينۆەستيتسيا
2016 جىلدان بەرى «Halyk» قايىرىمدىلىق قورى جالپى سوماسى 85 ميلليارد تەڭگەنى قۇرايتىن 120-دان استام الەۋمەتتىك جوبانى جۇزەگە اسىردى.
ء«بىزدىڭ ماقساتىمىز – سپورتتى تانىمال ەتۋ عانا ەمەس, قاي جەردە تۇراتىنىنا قاراماستان بارلىق بالالارعا تەڭ مۇمكىندىكتەر جاساۋ. مۇنداي باستامالار قازاقستاننىڭ بولاشاعىن قۇراتىن جاستاردىڭ بويىندا سەنىم مەن مىنەزدى قالاي ارتتىراتىنىن كورىپ وتىرمىز», دەدى عالىمبەك جاقسىلىقوۆ.
«AUYL SPORT» جوباسى قوردىڭ اۋىلدىق جەرلەردە بۇقارالىق سپورتتى دامىتۋعا باعىتتالعان نەگىزگى باستامالارىنىڭ بىرىنە اينالدى.تەك وسى جوباعا 500 ميلليون تەڭگە ءبولىندى.
«اۋىل سپورت» بالالار ءۇشىن جاي عانا جارىس ەمەس, جاڭا دۇنيەنىڭ ەسىگىن اشتى. كوپشىلىك ءۇشىن بۇل ولاردىڭ ۇلكەن قالاعا ءبىرىنشى ساپارى, كاسىبي ارەنامەن العاشقى كەزدەسۋى جانە العاشقى ۇلكەن جەڭىستەرى بولدى. «بالام الماتىداعى ارەناعا العاش شىققاندا كوزى نۇرلانىپ كەتتى. بۇل مۇمكىندىك ءۇشىن العىس ايتامىز – بۇل ءبىزدىڭ ءومىرىمىزدى وزگەرتتى», دەپ ءبولىستى قاتىسۋشىلاردىڭ ءبىرىنىڭ اناسى ايگۇل مۇساەۆا.
«اۋىل سپورت»: بولاشاققا شابىت
AUYL SPORT-2024 جوباسى – جاڭا مۇمكىندىكتەر اشاتىن جانە شابىتتاندىراتىن الاڭ. بۇل بالالاردىڭ بويىنداعى قايسارلىق پەن تالانت كەز كەلگەن شەكارانى جەڭە الاتىنىن دالەلدەپ ۇلگەردى.
ء«بىز بۇل جىگىتتەردىڭ اراسىندا بولاشاق چەمپيوندار بار ەكەنىنە سەنىمدىمىز. «AUYL SPORT» – جاي جارىس ەمەس, ول – قوعامىمىزدىڭ كەمەل كەلەشەككە دەگەن سەنىمىنىڭ مەرەكەسى», دەپ قورىتىندىلادى ءتۋرنيردى ۇيىمداستىرۋشىلار.
