وڭتۇستىككە ارنالعان كوگىلدىر وتىن

اعىمداعى جىلدىڭ 18 ماۋسىمىندا جامبىل وب­لىسىنىڭ اكىمى قانات بوزىمباەۆ پەن “قازترانسگاز” كومپانيالار توبىنىڭ باس ديرەكتورى سەرىك سۇلتانعاليەۆ ىنتىماقتاستىق تۋرالى مەموراندۋمعا قول قويدى. ول ستراتەگيالىق سەرىكتەستىكتى ورناتۋدى جانە ۇزاق مەرزىمدى, ءتيىمدى جانە ءوزارا پايدالى ىنتىماقتاستىقتى دامىتۋدى, سونداي-اق “2015 جىلعا دەيىنگى پەرسپەكتيۆامەن 2007-2010 جىلدارعا جامبىل وبلىسىنا گاز بەرۋدىڭ كەشەندى باعدارلامالارىن” ىسكە اسىرۋدى كوزدەيدى. مەموراندۋمعا سايكەس, تاراپتار 5.0 ملرد. تەڭ­گەدەن اساتىن سوماعا جامبىل وبلىسىنىڭ شامامەن 140 ەلدى مەكەنىنە گاز بەرۋدى جالعاستىرۋ نيەتى, گاز بەرۋدى قارجىلاندىرۋدى قولدانىستاعى گاز تاراتۋ جەلىلەرىن رەسپۋبليكالىق جانە جەرگىلىكتى بيۋدجەتتەر قاراجاتى, تارتىلعان ينۆەستيتسيالار مەن باسقا دا كوزدەردەن جاڭارتۋ مەن قايتا قۇرۋ بويىنشا جوبا­لاردى قوسىمشا قارجىلاندىرۋدى قامتاماسىز ەتۋ بويىنشا شارالار قولدانۋعا كەلىستى. سوعان قوسا, زاڭ­نامادا بەلگىلەنگەن تارتىپتە تاراپتار “قازترانسگاز” اق-تىڭ كەيىننەن پايدالانۋى ءۇشىن گاز بەرۋدىڭ جاڭادان سالىنعان نىساندارىن بەرۋ تۋرالى, 2030 جىلعا دەيىن ءوڭىردى الەۋمەتتىك-ەكونوميكالىق دامىتۋ باعدارلامالارىن ەسكەرىپ, كومپانيانىڭ وبلىس تۇتىنۋشىلارىنىڭ گازدى تۇتىنۋى بولجامىن ازىرلەۋى مەن بەرۋى تۋرالى ۋاعدالاستى. “قازترانسگاز” اق ءوز قاراجاتى ەسەبىنەن نەمەسە وب­لىستىڭ قولدانىستاعى گاز تاراتۋ جەلىلەرىن جاڭارتۋ مەن قايتا قۇرۋ باعدارلامالارىنىڭ تارتىلعان قاراجاتى ەسەبىنەن قوسىمشا قارجىلاندىرۋ مۇمكىندىگىن قاراستىرادى. كومپانيا شىعىنداردى كەيىننەن وتەۋ مەحانيزمىن ەسكەرىپ ءوز قاراجاتى نەمەسە تارتىلعان قاراجاتتار ەسەبىنەن كەنتارالىق اكەلەتىن گاز قۇبىرلارىن سالۋدى دا ۇيىمداستىرادى جانە 2010 جىلدىڭ 2-جارتىسىندا تاراتۋ گاز قۇبىرلارىنا دياگنوستيكا جاساۋ جانە قولدانىستاعى تاراتۋ جەلىلەرىن جاڭارتۋ مەن قايتا قۇرۋ تەن ازىرلەۋ مۇمكىندىگىن قاراستىرادى. “قازترانسگاز” اق ەنشىلەس ۇيىمى – قازاقستان رەس­پۋبليكاسى ماگيسترالدى گاز قۇبىرلارىنىڭ وپە­راتورى – “ينتەرگاز ورتالىق ازيا” كومپانياسى وسى مەموراندۋمنىڭ ەكى تارماعى بويىنشا ۋاكىلەتتەنگەن بولىپ تاعايىندالدى. وسى تارماقتارعا سايكەس “ينتەرگاز ورتالىق ازيا” اق 2011 جىلعا دەيىن جامبىل وبلىسىنىڭ بيۋد­جەتىنە “ينتەرگاز ورتالىق ازيا” اق تاراز ءبو­لىمشەسى ورنالاسقان جەردە الەۋمەتتىك جانە كىرىس سا­لى­عىن تولەۋ ماسەلەسىن شەشۋ بويىنشا شارا قول­دانا­دى, سونداي-اق كومپانييانىڭ تابىستى ءتاجى­ريبەسى مەن مۇمكىندىكتەرىن ەسكەرە وتىرىپ, “ينتەرگاز ورتالىق ازيا” اق 2011 جىلى جامبىل وبلىسىن تۇراقتى گازبەن قامتاماسىز ەتۋ ماقساتىندا “قازاق­ستان-قىتاي” ماگيسترالدى گاز قۇبىرىن “بۇحارا گازدى اۋدانى – تاشكەنت-بىشكەك-الماتى” ماگيس­­ترالدى گاز قۇبىرىمەن بىرىكتىرەتىن گاز قۇبىرىن سالۋدى ۇيىمداستىرادى. “ينتەرگاز ورتالىق ازيا” اق باس ديرەكتورى سە­رىك ەستايدىڭ ايتۋى بويىنشا, كومپانيا رەسپۋب­ليكانىڭ وڭتۇستىك وڭىرلەرىنە جانە اتاپ ايتقاندا جام­بىل وبلىسىنا ەرەكشە نازار اۋدارادى. سوندىق­تان دا كومپانيانىڭ ينۆەستيتسيالىق قىزمەتىنىڭ ەرەكشە ماڭىزدى باعىتتارىنىڭ ءبىرى رەسپۋبليكا وبلىستارىنا گاز بەرۋدى دامىتۋعا نەگىز بولىپ تا­بىلاتىن ماگيسترالدى گاز قۇبىرلارى جۇيەسىن دا­مى­تۋ بولادى. ءبىز تازا ەكونوميكالىق ماڭىزىنا قا­راعاندا, زور الەۋمەتتىك ماڭىزى بار جوبالاردى جۇزەگە اسىرامىز, – دەپ اتاپ ءوتتى س.ەستاي.