«وتاندىق شيكىزات وڭدەۋ, ونىمدەر مەن قىزمەتتەر ءوندىرۋ جانە ولاردى ساتۋ سالاسىندا جۇمىس ىستەيتىن كاسىپورىنداردىڭ ەڭ وزەكتى ماسەلەسىنىڭ ءبىرى – گاز بەن كوممۋنالدىق قىزمەتتەردىڭ جوعارى تاريفتەرى بولىپ وتىر. سوڭعى جىلدارى تابيعي گاز تاريفتەرى ۇنەمى ءوسۋ تەندەنتسياسىنا يە بولىپ, وتكەن ەكى جىلدا گاز باعاسى 200%-دان استام كوتەرىلدى, بۇل ءوز كەزەگىندە كىشى جانە ورتا تاراپتاعى كاسىپورىنداردىڭ قارجىلىق جۇكتەمەسىن ايتارلىقتاي ارتتىردى», دەپ اتاپ ءوتتى امانگەلدى نۇعمانوۆ.
سەناتور بەكىتىلگەن تاريفتەۋ جۇيەسى جۇكتەمەنى ادىلەتسىز بولۋگە الىپ كەلەتىنىن ايتتى. ونىڭ پىكىرىنشە, ۋاقتىلى شارا قابىلدانباسا, كاسىپورىنداردىڭ ءوندىرىس قارقىنىنىڭ تومەندەۋ قاۋپى بار, بۇل وڭىرلەردەگى الەۋمەتتىك-ەكونوميكالىق جاعدايعا تەرىس اسەر ەتەدى. سەناتور نۇعمانوۆ وسى پروبلەمالاردى شەشۋ ءۇشىن شاعىن جانە ورتا ونەركاسىپتىك كاسىپورىندارعا ارنالعان گاز بەن ەلەكتر ەنەرگياسىنىڭ تاريف ساياساتىن قايتا قاراۋدى ۇسىندى.
«شىمكەنت قالاسىندا قولدانىلعان تاجىريبە تولىق دالەلدەندى, وندا يندۋستريالدى جانە ارنايى ەكونوميكالىق ايماقتىڭ رەزيدەنتتەرى كوممۋنالدىق قىزمەتتەر تاريفتەرىن قايتا قاراۋ ارقىلى جەڭىلدىك الدى. بۇل ەلەكتر ەنەرگياسىنىڭ ءتاريفىن تومەندەتۋگە مۇمكىندىك بەردى. قولدانىلعان تاجىريبە ءوزىنىڭ تيىمدىلىگىن كورسەتتى جانە ونى جالپى ەلىمىز بويىنشا وتاندىق ءوندىرىستى دامىتۋ ماقساتىندا قولدانۋ قاجەت. اتالعان شارالار كاسىپكەرلەردىڭ جۇمىس تيىمدىلىگىن ارتتىرىپ, ونىمدىلىكتى ساقتاۋعا, باسەكەگە قابىلەتتىلىكتى قامتاماسىز ەتۋگە جانە جۇمىس ورىندارىن ساقتاۋعا مۇمكىندىك بەرەدى. سونىمەن قاتار, بولاشاق ينۆەستيتسيالار ءۇشىن تارتىمدى كليمات قالىپتاستىرادى», دەدى امانگەلدى نۇعمانوۆ.
