فوتو: اشىق دەرەككوز
19 جەلتوقساننان باستاپ قازاقستاننىڭ باسىم بولىگىنە تسيكلون اسەر ەتەدى, قار, بۇرقاسىن, ەلىمىزدىڭ وڭتۇستىگىندە, وڭتۇستىك-شىعىسىندا جاۋىن-شاشىن (جاڭبىر, قار), كوكتايعاق, بۇرقاسىن, ەكپىندى جەل كۇتىلەدى.
19-20 جەلتوقساندا سولتۇستىك-باتىستا, سولتۇستىكتە, ورتالىقتا, 20 جەلتوقساندا وڭتۇستىك-شىعىستاعى تاۋلى ايماقتاردا قاتتى قار جاۋادى.
21 جەلتوقساننان باستاپ باتىس انتيتسيكلونىنىڭ جىلجۋىمەن ەلىمىزدىڭ باتىسىندا اۋا رايى نەگىزىنەن جاۋىن-شاشىنسىز, سولتۇستىكتە, وڭتۇستىكتە جانە ورتالىقتا اۋا تەمپەراتۋراسىنىڭ تومەندەۋى كۇتىلەدى. رەسپۋبليكا بويىنشا تۇمان بولجانادى.
تۇندە اۋا تەمپەراتۋراسىنىڭ ەلىمىزدىڭ باتىسىندا 3-13-گرادۋس ايازدان 5-18 گرادۋس ايازعا دەيىن, شىعىسىندا 10-26 گرادۋس ايازدان 7-20 گرادۋس ايازعا دەيىن اۋىتقيدى; قالعان اۋماقتاردا اۋا تەمپەراتۋراسىنىڭ تۇندە سولتۇستىك-باتىستا, سولتۇستىكتە 10-20 گرادۋس ايازعا دەيىن, ورتالىقتا 13-25 گرادۋس ايازعا دەيىن, رەسپۋبليكانىڭ وڭتۇستىگىندە, وڭتۇستىك-شىعىسىندا 7-13 گرادۋس اياز, تاۋلى اۋدانداردا 15-18 گرادۋس ايازعا دەيىن تومەندەۋى كۇتىلەدى.
