فوتو: gov.kz
تالاپ قويۋدا ۋاقىت بەلدەۋىنىڭ استرونوميالىق ۋاقىتقا سايكەس كەلمەيتىندىگى, جاڭا نقا قابىلداۋعا اكەپ سوعاتىنداي ءماتىنىنىڭ جارتىسىنان اساتىن كولەمدە وزگەرىستەر ەنگىزۋ تۋرالى شەشىم قابىلداۋعا جاۋاپكەردىڭ وكىلەتتىگىنىڭ جوقتىعى كورسەتىلگەن.
سوت شەشىمىمەن تالاپ قويۋدى قاناعاتتاندىرۋدان باس تارتىلدى.
«ولشەم بىرلىگىن قامتاماسىز ەتۋ تۋرالى» زاڭمەن ولشەم بىرلىگىن قامتاماسىز ەتۋ سالاسىنداعى بىرىڭعاي مەملەكەتتىك ساياساتتىڭ نەگىزگى باعىتتارىن ازىرلەۋ ۇكىمەتتىڭ قۇزىرەتىنە جاتقىزىلعان.
2000 جىلعى 26 قاڭتارداعى №131 قاۋلىمەن ۋاقىت جانە ەتالوندىق جيىلىكتەر جونىندەگى ۆەدومستۆوارالىق كوميسسيا اتىنان ۇكىمەت جانىنان كونسۋلتاتيۆتىك-كەڭەسشى ورگان قۇرىلعان.
كوميسسيا فۋنكتسيالارىنىڭ ءبىرى - رەسپۋبليكا اۋماعىندا ۋاقىتتى ەسەپتەۋ ءتارتىبىن بەلگىلەۋ جانە وزگەرتۋ جونىندە قر ۇكىمەتىنە ۇسىنىستار ەنگىزۋ.
داۋلى قاۋلىلاردى قابىلداۋدى ۇكىمەت قر كونستيتۋتسياسىنىڭ 69-بابىندا بەرىلگەن وكىلەتتىكتەر شەڭبەرىندە ىسكە اسىرعان, وعان سايكەس ۇكىمەت ءوز قۇزىرەتىنىڭ ماسەلەلەرى بويىنشا رەسپۋبليكانىڭ بۇكىل اۋماعىندا مىندەتتى كۇشى بار قاۋلىلار شىعارادى.
سونىمەن قاتار 2000 جىلعى 23 قاراشاداعى قاۋلى قابىلدانعاننان بەرى 24 جىلدان استام ۋاقىت وتكەن, تالاپ قويۋشى تالاپ قويۋدىڭ جالپى ءۇش جىلدىق ەسكىرۋ مەرزىمىن وتكىزىپ العان.
نورماتيۆتىك قۇقىقتىق اكت ءماتىنىنىڭ جارتىسىنان استامىن وزگەرتۋ تۋرالى دالەل راستالمادى, بۇل ءمان-جاي ۇكىمەتتىڭ قاۋلىسىن زاڭسىز دەپ تانۋعا نەگىز بولا المايدى, سەبەبى جاۋاپكەردىڭ نقا شىعارۋ ءراسىمى بۇزىلماعان.
شەشىم زاڭدى كۇشىنە ەنگەن جوق.
