دارىگەرلەر تۇسكى نەمەسە كەشكى استان كەيىن شاي ءىشۋ اس قورىتۋدى بۇزىپ, تەمىردىڭ اعزاعا ءسىڭۋىن ازايتاتىنىن ايتادى.
«شاي جاپىراقتارىندا تانيندەر بار, ولار تاماق ارقىلى اعزاعا تۇسەتىن تەمىرمەن ارالاسىپ, سونىڭ سالدارىنان بۇل ماڭىزدى ميكروەلەمەنت سىڭىرىلمەي قالادى. بۇل, ءوز كەزەگىندە, دەنساۋلىققا جاعىمسىز سالدارعا اكەلۋى مۇمكىن», - دەپ جازادى تsn.ua باسىلىمىنا سىلتەپ Almaty.tv.
دەنەدەگى تەمىر جەتىسپەۋشىلىگى انەميا, بۇلشىقەت ءتىنى پروبلەمالارىن, سوزىلمالى شارشاۋدى جانە باس اۋرۋىن تۋدىرۋى مۇمكىن. بۇل اسىرەسە بالالار مەن جۇكتى ايەلدەر ءۇشىن قاۋىپتى.
سۋسىندى ءىشۋدىڭ دەنساۋلىققا جاعىمسىز سالدارىن بولدىرماس ءۇشىن دارىگەرلەر شايدى تۇسكى نەمەسە كەشكى استان كەيىن وتىز مينۋتتان كەيىن ءىشۋدى ۇسىنادى. دەنەگە بارلىق پايدالى دارۋمەن مەن ميكروەلەمەنتتەردى ءسىڭىرۋ ءۇشىن وتىز مينۋت جەتكىلىكتى بولادى. تاڭعى اس كەزىندە شايدى مايلى تاعامدارمەن ىشۋگە بولمايدى.
«دارىگەرلەر سونداي-اق تاماقتان كەيىن كوك شاي نەمەسە ءشوپ تۇنبالارىن ءىشۋدى جانە قويۋ قارا شاي ىشۋدەن باس تارتۋدى ۇسىنادى. ويتكەنى كوك شايدا قارا شايعا قاراعاندا تانيندەر الدەقايدا از, ال شوپتەن جاسالعان سۋسىندار قورەكتىك زاتتاردىڭ قورىتىلۋىنا جانە سىڭۋىنە اسەر ەتەدى. سونداي-اق قانتتى شامادان تىس پايدالانباۋ كەرەك, ءبىر كەسە شايعا ءبىر قاسىق قانت جەتكىلىكتى», دەيدى ماماندار.
