فوتو: todayinfo.kz
الماتى وبلىسى قازاقستاننىڭ اگرارلىق سەكتورىندا جەتەكشى ورىنداردى يەمدەنەدى. ودان بولەك, جەر رەسۋرستارىن ۇتىمدى پايدالانۋ, ءسۇت ونىمدەرىن قايتا وڭدەۋ كاسىپورىندارىن قولداۋ جانە مال شارۋاشىلىعىن دامىتۋ ءوڭىر ءۇشىن باسىم باعىتتاردىڭ ءبىرى.
«پايدالانىلماي جاتقان جەرلەردى قايتارۋ - جاي عانا مىندەت ەمەس, بۇل ءوڭىردىڭ ستراتەگيالىق باسىمدىعى. بۇل سالادا قازىردىڭ وزىندە ەلەۋلى شارالار قولعا الىنعان. انىقتالعان 399 مىڭ گەكتار پايدالانىلماي جاتقان جەردىڭ 86 مىڭى قايتارىلدى, بۇل اۋىل شارۋاشىلىعى مينيسترلىگىنىڭ بەكىتىلگەن جوسپارىنىڭ 123 پايىزىن قۇرايدى», دەدى مارات سۇلتانعازيەۆ.
بۇل جۇمىس, اكىمنىڭ ايتۋىنشا, ءوڭىردىڭ الەۋەتىن تولىق پايدالانۋعا جانە اۋىل شارۋاشىلىعى سالاسىنىڭ تۇراقتى ءوسۋىن قامتاماسىز ەتۋگە مۇمكىندىك بەرەدى.
ءوڭىر قۇس باسى بويىنشا ءبىرىنشى, قوي مەن ەشكى سانى بويىنشا ءۇشىنشى, ءىرى قارا مال سانى بويىنشا ءتورتىنشى ورىندا. وبلىستا قۇس ەتىن ءوندىرۋ 114,3 مىڭ تونناعا جەتىپ, رەسپۋبليكاداعى جالپى كولەمنىڭ ۇشتەن ءبىرىن قۇرايدى. سونداي-اق, وبلىس اگروونەركاسىپ كەشەنىن دامىتۋدى جالعاستىرىپ, ءسۇت جانە جۇمىرتقا ءوندىرۋ بويىنشا الدىڭعى قاتاردا.
وڭىردە ءسۇت وڭدەۋ سالاسىن ودان ءارى دامىتۋ ءۇشىن جالپى قۇنى 15 ملرد تەڭگەنى قۇرايتىن 13 ينۆەستيتسيالىق جوبا جۇزەگە اسىرىلۋدا. بۇل جوبالاردىڭ ىشىندە 5200 باس اسىل تۇقىمدى ءىرى قارا مالىن ساتىپ الۋ ونىمدىلىكتى ارتتىرىپ, ءسۇت ساپاسىن جاقسارتۋعا مۇمكىندىك بەرەدى.
ء«سۇت وڭدەۋدى قولداۋ – وبلىستىڭ بولاشاعىنا ينۆەستيتسيا. ءبىز كاسىپورىنداردىڭ تولىق جۇكتەلۋىنە جاعداي جاساپ جاتىرمىز, بۇل ءونىم كولەمىنىڭ ۇلعايۋىنا جانە ولاردىڭ ساپاسىنىڭ جاقسارۋىنا اكەلەدى», دەدى الماتى وبلىسىنىڭ اكىمى.
اكىم وبلىستىڭ ەكسپورتتىق مۇمكىندىكتەردى كەڭەيتۋگە, سول ارقىلى ۇزاق مەرزىمدى پەرسپەكتيۆاعا اۋىل شارۋاشىلىعى سالاسىنىڭ تۇراقتى دامۋىن قامتاماسىز ەتۋگە نيەتتى ەكەنىن اتاپ ءوتتى.
