فوتو: استانا قالاسى بايقوڭىر اۋداندىق اكىمدىگىنىڭ ءباسپاسوز قىزمەتى
كوپشىلىكتىڭ كوڭىلىن سەرگىتۋ شاراسىنا «بايقوڭىر» اۋدانىنىڭ 100-دەن استام وقۋشىسى قاتىستى.
العىر وقۋشىلاردىڭ ۋاقىتىن قىزىقتى وتكىزۋدى كوزدەگەن شارادا ولارعا ارناپ مۋزىكالىق تارتۋلار مەن تاتتىلەر تاراتىلدى. ەڭ باستىسى قىس بويى وقۋشىلاردىڭ سەرىگىنە اينالاتىن كونكيلەر دە وقۋشىلارعا تەگىن ۇلەستىرىلدى.
مەرەكەلىك اشىلۋدان كەيىن بالالار ءۇشىن بەلسەندى ويىن-ساۋىق ۇيىمداستىرىلدى. اۋداننىڭ ءبىلىم الۋشىلارى ەستافەتالىق ويىندار, كونكي تەبۋ, دوپتى حوككەي جانە قوقىستاردى سۇرىپتاۋ بويىنشا سىنعا ءتۇسىپ, ءوزارا كىل مىقتىدان كىم مىقتىنى انىقتادى.
سايىس جەڭىمپازدارى دا سىيلىقسىز قالمادى. ۇزدىكتەرگە ءتۇرلى سىيلىقتار مەن تاتتىلەر تابىستالدى.
شارا سوڭىندا كەلۋشى قاۋىمعا ىستىق سۋسىندار مەن باۋىرساقتار ۇسىنىلدى.
بايقوڭىر اۋدانىندا ءبىرشاما قىسقى دەمالىس ايماقتارى جۇمىس جاساپ تۇرعانىن ەسكە سالامىز:
1.جاستار سارايىنىڭ اۋماعى
2. اتاتۇرك ساياباعى
3. قالامگەرلەر اللەياسى
4. تسەلليننىي شاعىن اۋدانى (جۇبانوۆ كوشەسى,3)
5. ءوندىرىس تۇرعىن الابى / اقبيداي كوشەسى
6. ءوندىرىس تۇرعىن الابى / كەمەڭگەر ۇلى
7. ءوندىرىس تۇرعىن الابى / وزەن كوشەسى
8. كيرپيچنىي تۇرعىن الابى / چەحوۆ كوشەسى
9. كازگورودوك تۇرعىن الابى / دوسمۇحامەد ۇلى كوشەسى
10. قوياندى ساياجاي القابى / ەكسپو الاڭى
11. سمپ / كەنشىلەر كوشەسى
ايتا كەتەيىك, اۋدانداعى قىسقى سەرۋەن كەڭىستىكتەرى, سىرعاناقتار مەن مۇز ايدىندارى قىس بىتكەنشە تۇرعىنداردىڭ يگىلىگىنە قىزمەت ەتپەك.
