ەكسپو شىبىعى

«استانا ەكسپو-2017» ۇك» اكتسيونەرلىك قوعامى «ۇلتتىق ورمان وتىرعىزۋ كۇنى» شاراسىن وتكىزدى. ءىس-شارا اياسىندا 1630 كوشەتتەن تۇراتىن «ەكسپو-2017 ساياجولى» اتتى ساياباقتىڭ نەگىزى قالاندى. ءىس-شاراعا «جاسىل» ەكونوميكانى قولداۋ جانە G-Global-دى دامىتۋ كواليتسياسى», «تۇ­راق­تى دامۋ» جەر قورى» جانە «نا­زارباەۆ زياتكەرلىك مەكتەبى» ااق-تارى بەلسەنە قاتىستى. «استانا ەكسپو-2017» ۇك» اق باس­قارما توراعاسى تالعات ەرمە­گ­ياەۆ جينالعاندار الدىندا قۇت­تىقتاۋ ءسوز سويلەدى. «اتاڭنان مال قالعانشا, تال قالسىن» دەگەن ۇلاعاتتى سوزدەردى ارقاۋ ەتىپ, بۇگىن, مىنە, ۇلكەن «ەكسپو اللەياسىن» اشقالى وتىرمىز. قوش كەل­دىڭىزدەر! «ەكسپو-2017» ۇلت­تىق كوم­پانياسىنىڭ باستاماسىن قولداپ, وسىندا كەلگەن بارشا جي­نالعان قاۋىمعا شەكسىز العىسىم­دى بىلدىرەمىن», دەگەن شى­نايى لەبىزىن جەتكىزدى. سونىمەن بىرگە, بۇۇ-نىڭ قازاقستانداعى تۇراق­تى ۇيلەستىرۋشىسى س.تۋللا, ەكسپو-2017 حالىقارالىق ما­مان­دان­دىرىلعان كورمەسىنىڭ كوميس­سارى ر.جوشىباەۆ, «نازار­باەۆ زيات­كەرلىك مەكتەبى» ااق باس­قارما ءتورايىمى ك.ءشامشي­دينوۆا قاتىسۋشىلار الدىندا ءسوز سويلەدى. «ۇلتتىق ورمان وتىرعىزۋ كۇنى» – بۇل ايماقتىق بيلىك ورگان­­­­دارىنىڭ, ەكولوگيا ماسە­لە­سىنە جاۋاپكەرشىلىكپەن قاراي­تىن بيز­نەستىڭ جانە ەرىكتىلەردىڭ قاتىسۋى­مەن بۇكىل ەلىمىز بويىنشا كوكتەم مەن كۇزدە وتكىزىلەتىن جاسىل­دان­دى­رۋعا ارنالعان ەكولوگيالىق شا­را بولماق. ءداستۇرلى باستاما ازا­ماتتاردى ەكولوگيالىق قوزعا­لىسقا تارتۋ, ولاردىڭ بويىن­دا ورمانعا جانە قورشاعان ورتاعا دەگەن ۇقىپتى قاتىناستى جانە جا­ۋاپ­كەرشىلىكتى تاربيەلەۋدى كوزدەيدى. «ەكسپو-2017 ساياجولى» قا­لا­نىڭ كوركىن كەلتىرىپ قانا قويماي, سونىمەن بىرگە, ەلور­دا وقۋشىلارى مەن قوعام قايرات­كەرلەرىنىڭ استانانىڭ «جاسىل» قورىن قالىپتاستىرۋعا قوس­قان ۇلكەن ۇلەستەرىنىڭ بىرىنە اينال­­ماق. «ەكسپو-2017 سايا­جو­لىن» وتىرعىزۋعا ەكسپو-2017 حالىق­ارالىق كورمە­سىنە قاتىساتىنىن راستاعان ديپلو­ماتيالىق ميسسيا وكىل­دەرى, پارلامەنت دەپۋتاتتارى, مەملەكەتتىك ورگاندار وكىلدەرى, مادەنيەت جانە سپورت قايراتكەرلەرى, قوعامدىق ۇيىمداردىڭ كوشباسشىلارى, جاستار اراسىنداعى وزاتتار, ستۋدەنتتەر, سونداي-اق, نازارباەۆ زياتكەرلىك مەكتەبىنىڭ مۇعالىمدەرى مەن وقۋشىلارى قاتىستى «ەكسپو-2017 ساياجولى» 6 قاتار ەتىپ وتىرعىزىلدى. وسى قاتارلاردىڭ ارقايسىسىندا ناقتى ءبىر ادامدار توبى – ديپلوماتتار, پارلامەنت دەپۋتاتتارى, بيزنەسمەندەر, ۇەۇ وكىلدەرى, جاستار, نازارباەۆ زياتكەرلىك مەكتەبىنىڭ وقۋشىلارى اعاش كوشەتتەرىن ەگىپ, ەڭبەك بەلسەندىلىگىن كورسەتتى. ءىس-شارا اياسىندا مۋزىكالىق باعدارلاما ۇيىمداستىرىلىپ, ەكسپو-2017 ەرىكتىلەرىنىڭ فلەشموبى ءوتتى. سونداي-اق, نا­زار­­باەۆ زياتكەرلىك مەكتەبىنىڭ ونەر­­پازدار توبى شاعىن كونتسەرت قو­يىپ, ءوز ونەرلەرىن ساراپقا ­سالدى. جاراس سادۋاقاسوۆ. سۋرەتتە: «ۇلتتىق ورمان وتىرعىزۋ كۇنىنەن» كورىنىستەر.