فوتو: اشىق دەرەككوز
كەلەسى جىلى مينيسترلىكتىڭ ەكى قىزمەتكەرى امەريكا قۇراما شتاتتارىندا وقۋ تاعىلىمداماسىنان وتەدى. تاعى ءبىر مامان «بولاشاق» باعدارلاماسى بويىنشا اۋستراليادا ءبىلىم الادى.
ەسكە سالايىق, سۋ رەسۋرستارى جانە يرريگاتسيا مينيسترلىگىنىڭ باستاماسى بويىنشا بيىل «بولاشاق» باعدارلاماسىنا «گيدروگەولوگيا», «سۋ رەسۋرستارى» سەكىلدى وقۋ باعدارلامالارى قوسىلعان ەدى, ناتيجەسىندە, اتالعان ماماندىقتار بويىنشا شەتەلدە ءبىلىم الۋ مۇمكىندىگىنە يە بولدى.
ۆەدومستۆو مالىمەتىنشە, مامانداردىڭ بىلىكتىلىگىن ارتتىرۋ - مينيسترلىك جۇمىسىنىڭ باسىم باعىتتارىنىڭ ءبىرى.
«بۇگىندە ۆەدومستۆو قىتاي, نيدەرلاندى, فرانتسيا سىندى مەملەكەتتەرمەن جانە حالىقارالىق ۇيىمدارمەن تاجىريبە الماسۋ جانە بىرلەسىپ مامان دايارلاۋ جونىندە كەلىسىم جاسادى. بيىل نيدەرلاندى ساراپشىلارى استانا, اقتوبە قالالارىندا سۋ تاسقىنى قاۋپىن باسقارۋ بويىنشا 3 مارتە وقۋ سەمينارىن وتكىزدى. ناتيجەسىندە سۋ تاسقىنىنا قارسى ءىس-قيمىل ماسەلەلەرىمەن اينالىساتىن 50-دەن استام مامان بىلىكتىلىك ارتتىردى», دەدى سۋ رەسۋرستارى جانە يرريگاتسيا ءبىرىنشى ۆيتسە-ءمينيسترى بولات بەكنياز.
تاعى ءبىر ايتا كەتەتىن جايت, «قازسۋشار» ماماندارى جاپونيانىڭ ساپپورو قالاسىندا ءۇش ايلىق وقۋ كۋرسىنا قاتىسقان. ال قىزىلوردا وبلىسى بويىنشا «قازسۋشار» فيليالى ديرەكتورىنىڭ ورىنباسارى وڭتۇستىك كورەياعا بارىپ, تاجىريبە الماسىپ قايتتى.
