بۇل تۋرالى قما مەن عىلىم جانە جوعارى ءبىلىم مينيسترلىگىمەن بىرلەسىپ ەلىمىزدىڭ 100-دەن استام جوعارى وقۋ ورىندارى ءۇشىن ۇيىمداستىرىلعان قۇقىقتىق مادەنيەت جانە قارجىلىق ساۋاتتىلىقتى ارتتىرۋ جونىندەگى ۆەبينار بارىسىندا بەلگىلى بولدى. شارا ء«تارتىپتى وزىڭنەن باستا!» ەستافەتاسى اياسىندا وتكىزىلدى.
اگەنتتىكتە الاياقتىق جوبالاردىڭ ومىرلىك تسيكلىن جانە ولارعا تارتىلعان سالىمشىلار سانىن قىسقارتۋعا باعىتتالعان «قارجى پيراميدالارىنا قارسى ءىس-قيمىل» ارنايى جوباسى ەنگىزىلدى. جىل باسىنان بەرى ينتەرنەت كەڭىستىگىندە 47 قارجى پيراميداسى انىقتالىپتى. ولارعا قاتىستى الەۋمەتتىك جەلىلەردە 300-گە جۋىق چات جابىلعان. شامامەن 2 ملن-عا جۋىق قاتىسۋشى – الەۋەتتى سالىمشى بولعان.
وسى جىلى الەۋمەتتىك جەلىلەردى تالداۋ ناتيجەسىندە قارجى پيراميداسى بەلگىلەرى بار سايتتارعا 11,7 مىڭنان استام سىلتەمە بۇعاتتالعان.
جالپى, مىناداي بەلگىلەرى بار كومپانيالارعا تولىققاندى كۇمانمەن قاراۋعا بولادى:
- تاۋەكەلدەرسىز جانە كۇش-جىگەرسىز جوعارى تابىستى ۋادە ەتسە;
- جاڭا كليەنتتەردى مىندەتتى تۇردە تارتا باستاسا;
- ينتەرنەتتە بەلسەندى جارناما جاساسا;
- كومپانيا ەلىمىزدە تىركەلمەسە نەمەسە جاقىن ارادا تىركەلسە;
- قانداي دا ءبىر زاڭدىق سۇيەمەلدەۋ بولماسا (شارتتىڭ بولماۋى نەمەسە تاراپتاردىڭ مىندەتتەمەلەرىنسىز جاسالۋى);
- سالىمداردى قولما-قول اقشامەن, كريپتوۆاليۋتا ارقىلى نەمەسە بانكتەر قاتىسپايتىن تولەم جۇيەلەرى ارقىلى قابىلداعىسى كەلسە.
اگەنتتىكتە قارجى پيراميدالارىنىڭ بەلگىلەرىن تەكسەرۋگە مۇمكىندىك بەرەتىن «Baiqa, piramida!» Telegram-بوتى ىسكە قوسۋلى. ەگەر ءسىز نەمەسە جاقىندارىڭىز قارجى پيراميداسىنىڭ ارەكەتىنە تاپ بولساڭىز, تۇرعىلىقتى جەرىڭىز بويىنشا ەكونوميكالىق تەرگەپ-تەكسەرۋ دەپارتامەنتىنە جۇگىنگەنىڭىز ءجون بولادى.
