مەملەكەت باسشىسى باستاماشىلىق ەتكەن «قازاقستاننىڭ ىزگى نيەت ەلشىلەرى» جوباسى مادەنيەتتەر پەن حالىقتار اراسىنداعى ديالوگتى دامىتۋعا جانە ەلىمىزدىڭ جەتىستىكتەرىن شەت ەلدەردە دارىپتەۋ مەن تانىمالدىلىعىن ارتتىرۋعا باعىتتالعان.
بۇل جوباعا قاتىسۋ ءۇشىن قازاقستاننىڭ قوعام جانە مادەني قايراتكەرلەرى شاقىرىلدى, ولاردىڭ اراسىندا حالىق ءارتىسى ديماش قۇدايبەرگەن, وپەرا ءانشىسى ماريا مۋدرياك, تەلەجۇرگىزۋشى جانە مادەني جوبالاردىڭ پروديۋسەرى مايا بەكباەۆا, ارحەولوگ جانە قازاقستان رەسپۋبليكاسىنىڭ يۋنەسكو جانە يسەسكو ىستەرى جونىندەگى ۇلتتىق كوميسسيانىڭ مۇشەسى دميتري ۆوياكين, «Qazaq Geography» باسقارما باسشىسى, ەتنوگراف-عالىم ايگەرىم مۇساعاجينوۆا بار.
ا.راحمەتۋللين ءوزىنىڭ العى سوزىندە قازاقستان الەمدە بەيبىتشىلىككە ۇمتىلاتىن جانە پروگرەسسيۆتى مەملەكەت, سونداي-اق جاھاندىق جانە وڭىرلىك ماسەلەلەردى شەشۋدە سەنىمدى سەرىكتەس رەتىندە قابىلداناتىنىن اتاپ ءوتتى.
قازاق ديپلوماتىنىڭ ايتۋىنشا, سىرتقى ىستەر مينيسترلىگى شەتەلدىك اۋديتوريانى ەلىمىزدىڭ مادەني مۇراسى مەن ۇلتتىق الۋان تۇرلىلىگىمەن تانىستىرۋ جانە ولاردى ىلگەرىلەتۋ بويىنشا اۋقىمدى جۇمىس جۇرگىزۋدە. وسىعان بايلانىستى ا.راحمەتۋللين ەلىمىزدىڭ تانىمالدىلىعىن ودان ءارى ارتتىرۋعا باعىتتالعان «Kazakhstan: Born Bold» حالىقارالىق يميدجدىك ناۋقانىنىڭ باستالعانىن حابارلادى.
قازىرگى ۋاقىتتا تسيفرلىق كوممۋنيكاتسيالار الەمىندەگى مادەني-گۋمانيتارلىق ديپلوماتيانىڭ ماڭىزدىلىعى مەن وزەكتىلىگىن اتاپ ءوتىپ, ا.راحمەتۋللين قاتىسىپ وتىرعان قوعام قايراتكەرلەرىنىڭ قازاقستاننىڭ ءتۇرلى سالالارداعى جەتىستىكتەرىن دارىپتەۋدەگى كۇش-جىگەرىن جوعارى باعالادى.
- ىزگى نيەت ەلشىسىنىڭ مارتەبەسى تەك بەدەل عانا ەمەس, سونىمەن بىرگە ۇلكەن جاۋاپكەرشىلىك. جوبا اياسىندا ءبىز مادەنيەتىمىز, ونەرىمىز, عىلىمي جەتىستىكتەرىمىز, يننوۆاتسيالار, سپورتتىق جەڭىستەر, كرەاتيۆتى شەشىمدەر, تۋريستىك الەۋەت پەن قازاقستان حالقىنىڭ باستى قۇندىلىعى – بەيبىتشىلىك پەن كەلىسىمدى ساقتاۋمەن تانىستىرۋدى جالعاستىرۋعا نيەتتىمىز, − دەپ اتاپ ءوتتى ا.راحمەتۋللين.
ءوز سوزىندە د.ۆوياكين قازاقستاننىڭ كۇشى ونىڭ مادەني ارتۇرلىلىگىندە, مۇراسىندا جانە ءبىز ونى ساقتاۋعا جانە ۇلعايتۋعا مىندەتتىمىز دەدى.
- ىزگى نيەت ەلشىسى بولۋ – شابىتتاندىرۋدى بىلدىرەدى. ءبىزدىڭ ورتاق ەڭبەگىمىز عىلىم, مادەنيەت جانە ادامداردىڭ ءوزارا تۇسىنىستىگىنىڭ كۇشىنە سەنەتىندەر ءۇشىن بىرلىك پەن شابىتتىڭ سيمۆولىنا اينالسىن, – دەدى ول.
ارتىلعان سەنىم ءۇشىن العىسىن بىلدىرە وتىرىپ, م.بەكباەۆا ەلىمىزدىڭ ەجەلگى مادەنيەتى مەن باي تاريحىمىزدىڭ نەگىزىندە جاتقان بىرلىك, توزىمدىلىك جانە بەيبىتشىلىك قۇندىلىقتاردى اتاپ ءوتتى. ول جوبا اياسىندا وسى قاعيداتتار مەن قۇندىلىقتاردى, سونداي-اق ءسىم-مەن تىعىز بايلانىس ارقىلى قازاقستاننىڭ شەت ەلدەرمەن مادەني جانە گۋمانيتارلىق ىنتىماقتاستىعىن ىلگەرىلەتۋگە نيەتتى ەكەنىن اتاپ جەتكىزدى.
قازاقستاندا ىزگى نيەت ەلشىلەرى قىزمەتىنىڭ ءساتتى حالىقارالىق تاجىريبەسىن ەنگىزۋ بۇگىنگى تاڭدا ەل بەدەلىن ىلگەرىلەتۋدە ءوز ناتيجەسىن كورسەتۋدە. «ىزگى نيەت ەلشىلەرىنىڭ» پۋلىن كەڭەيتۋ الەمنىڭ ءار تۇكپىرىندەگى ازاماتتاردىڭ قازاقستاندى ودان دا جاقىنىراق تانۋى ءۇشىن شابىتتاندىرۋعا ارنالعان.
بۇعان دەيىن ىزگى نيەت ەلشىلەرى مارتەبەسىن سكريپكاشى-ۆيرتۋوز مارات بيسەنعاليەۆ, وليمپيادا چەمپيونى, ۆەلوشاباندوز الەكساندر ۆينوكۋروۆ, سۋرەتشى جانە انتيادرولىق قوزعالىس بەلسەندىسى كارىپبەك كۇيىكوۆ, كارديوحيرۋرگ يۋري پيا, ساياساتتانۋ عىلىمىنىڭ دوكتورى جانە تاريحي كارتالاردى زەرتتەۋشى مۇحيت-ارداگەر سىدىقنازاروۆ, ن. تىلەنديەۆ اتىنداعى مەملەكەتتىك اكادەميالىق فولكلورلىق-ەتنوگرافيالىق «وتىرار سازى» وركەسترىنىڭ باس ديريجەرى دينزۋحرا تىلەنديەۆا, «Adam» لاقاپ اتىمەن الەمدىك تانىمالدىلىققا يە بولعان ەسترادا ءانشىسى ميرحيداي ميرفارۋح, الەم رەكوردىن جاڭارتقان الىپ كۇش يەسى جانە گيننەس كىتابىنىڭ رەكوردشىسى سەرگەي تسىرۋلنيكوۆ يەلەنگەن بولاتىن. ولار وزدەرىنە سەنىپ تاپسىرىلعان ميسسيانى ءساتتى ورىنداۋدا جانە مادەني-گۋمانيتارلىق سالادا, ەكولوگيانى قورعاۋ, جاسوسپىرىمدەر سپورتىن دامىتۋ جانە باسقا سالالاردا الەۋمەتتىك ماڭىزدى جوبالاردى جۇزەگە اسىرۋدا.
