تۇرمىس تۇراقتىلىعى – بىرەگەي مىندەت

كەشە جۇمىس ساپارىمەن قاراعاندى وبلىسىنا كەلگەن پرەمەر-ءمينيستردىڭ ورىنباسارى بەردىبەك ساپارباەۆ مەملەكەت باسشىنىڭ تاپسىرمالارىنان تۋىندايتىن ءبىرشاما ىلكىمدى ءىس-شارالاردىڭ ورنىقتى جۇزەگە اسىرىلۋ ۇدەرىسىنە قاتىسىپ, ارنايى كەڭەس وتكىزدى. ساپار بارىسىندا ۆيتسە-پرەمەر مەن وبلىس اكىمى نۇر­­مۇ­حامبەت ابدىبەكوۆ ين­دۋس­تريا­لاندىرۋ كارتاسى ايا­سىندا «سارىارقا» ارنايى ەكونومي­كالىق ايماعى اۋما­عىندا قۇ­رىل­عان اينالمالى كران­دار مەن تىعىندى ارماتۋرالار شىعاراتىن قازاقستاندىق-گەرمانيالىق ءبىر­­لەس­كەن كاسىپ­ورىن – «بەمەر ار­ماتۋرا» جشس-ىندە بولىپ, تىڭ ۇردىسپەن جۇمىس ىستەيتىن ءوندىرىس ورنىنىڭ تىنىس-تىرشىلىگىمەن تانىستى. سودان كەيىن وسى كاسىپورىندا ايماقتاعى ونەركاسىپ سالا­سى­نىڭ قۋاتىن ودان ءارى دامىتۋ, وندىرىستىك ۇدەرىستەردى تۇراق­تاندىرۋدى قامتاماسىز ەتۋ جانە قازاقستاندىق مازمۇن ۇلەسىن ارتتىرۋ سەكىلدى وزەكتى ماسەلەلەر بويىنشا كەڭەي­تىلگەن كەڭەس وتكىزىلدى. كەڭەستى اشۋ ساتىندەگى كىرىسپە سوزىندە وبلىس اكىمى ن.ابدىبەكوۆ ەنەرگيالىق رەسۋرس­تار باعاسىنىڭ تومەندەۋىنە بايلانىستى وندىرىستىك ۇدەرىستەردى تۇراقتاندىرۋ, جۇ­مىس­كەر-قىز­مەتكەرلەردىڭ ەڭبەك قۇ­قىقتارى مەن كەپىلدەمەلەرىن قام­تاماسىز ەتۋ ماسەلەسى ايرىقشا ماڭىزدى ەكەندىگىن اتاپ ءوتتى. – وندىرىستىك كاسىپورىندار مو­لىنان ورنالاسىپ, ەلدىڭ اسا ءىرى يندۋستريالىق ورتالىعى بولۋى سەبەپتى قاراعاندى وبلىسى ەلبا­سىنىڭ ەرەكشە قاداعالاۋىندا, – دەدى ايماق باسشىسى. تالقىلانعان تاقىرىپقا ساي تول­عاقتى اڭگىمە قوزعاعان ب.ساپار­باەۆ ءوز سوزىندە پرەزيدەنت نۇر­سۇلتان نازارباەۆتىڭ قازاقستان حالقىنا ارناعان «نۇرلى جول» – بولاشاققا باستار جول» اتتى جولداۋىندا العا قويىلعان ءمىن­دەتتەردى جۇزەگە اسىرۋعا قاتىستى قولعا الىنعان پارمەندى شارالار مەن ولاردىڭ ناقتى ناتيجەلەرىن تىلگە تيەك ەتتى. – الەمدىك دەڭگەيدە ورىن الىپ وتىرعان گەوساياسي جاعدايلاردىڭ الاڭداتۋشىلىق تۋدىرۋى – زاڭ­دى قۇبىلىس. سوعان وراي, ەكونوميكانى قالىپتى جاعدايدا ۇستاۋ جانە ونى بۇرىنعىدان دا ۇتىمدى دەڭگەيدە ىلگەرى باستىرۋ, جۇمىسسىز ازاماتتاردىڭ سانىن مەيلىنشە شەكتەۋ شارالارىن شيراتا ءتۇسۋ, ەل كولەمىندەگى وندىرىستىك كاسىپورىنداردىڭ ءوزارا ىسكەرلىك قارىم-قاتىناسىن مەيلىنشە كەڭەيتۋ, جەرگىلىكتى ءونىم وندىرۋشىلەرگە قولداۋ كورسەتۋ, قازاقستاندىق مازمۇن ساپاسىن ارتتىرۋ – بۇگىنگى كۇننىڭ باستى تالابى. بايىپتى ارەكەتتەردىڭ ناتيجەسىندە, تۇرعىنداردىڭ تۇرمىستىق الەۋەتى تۇراقتى قالىپتا بولۋى ءارى ساپاسى ارتا ءتۇسۋى ءتيىس. بۇل – ەلباسى تاراپىنان ۇكىمەت پەن ءار دەڭگەيلى اكىمدەردىڭ الدىنا قويىلعان بىرەگەي مىندەت. وسىناۋ مەرەيلى مىندەتتى ورنىقتى ىسكە اسىرۋ ماقساتىندا ۇكىمەت ارنايى ءىس-شارالار جوسپارىن بەلگىلەدى. بۇگىنگى ساپار – سول جوسپارلى شارالاردى ناقتى قولدانىسقا ەنگىزۋدىڭ باستاۋى, – دەدى ب.ساپارباەۆ. كەڭەستە ايماقتىڭ ونەركاسىپ سالاسىنداعى قازىر تاڭداعى احۋالى تۋرالى وبلىس اكىمىنىڭ ورىنباسارى ءانۋار احمەتجانوۆتىڭ ەسەبى تىڭدالدى. اتالعان سالا بويىنشا وبلىستا ايتارلىقتاي ىلگەرى باسۋ بار. ماسەلەن, يندۋستريالاندىرۋ كارتاسى بويىنشا 59 جوبا ىسكە قوسىلسا, سونىڭ 46-سى جوسپارلى قۋاتىنا شىققان. ال, قالعاندارى 50 پايىزدىق دەڭگەيدى ەڭسەرىپ وتىر. سالالىق باعىتقا باسشىلىق جاسايتىن جاۋاپتى تۇلعاعا ءبىر­قاتار ساۋالدار قويعان ۆيتسە-پرە­مەر قالىپتاسقان جاعدايعا قاناعاتتانۋشىلىق ءبىلدىرىپ, ءوندىرىستى وركەندەتە تۇسۋگە, ءاسى­رەسە, يندۋستريالاندىرۋ كارتاسى مەن مونوقالالاردى دامى­تۋ باعدارلاماسى اياسىنداعى جۇمىستىڭ پارمەندىلىگىن ارت­تى­رۋعا بايلانىستى ناقتى تاپسىرمالار بەردى. كەڭەس قورىتىندىسىندا جالپى سوماسى 57 ملرد. تەڭگەنى قۇرايتىن ءوزارا ىنتىماقتاستىق تۋرالى 47 مەموراندۋمعا قول قويىلدى. مەموراندۋمدار ماڭىزى زور ءۇش باعىتتى قامتيتىنىن اتاپ وتكەن ءجون. ونىڭ العاشقىسى – وبلىس اكىمدىگى, جۇمىس بەرۋشىلەر جانە كاسىپوداقتاردىڭ وندىرىستىك ۇدەرىستەردى تۇراقتاندىرۋ, جۇ­مىسشى-قىزمەتكەرلەردىڭ جۇ­مىسقا ورنالاسۋى مەن ەڭبەك قۇقىقتارىنىڭ قامتاماسىز ەتىلۋىنە قاتىستى ءوزارا تۇسىنىستىك پەن ىنتىماقتاستىعى تۋرالى. ەكىنشىسى – وبلىس اكىمدىگى مەن ۇلتتىق كومپانيالاردىڭ اراسىنداعى جەرگىلىكتى مازمۇندى دامىتۋ ماسەلەسىنە قاتىستى. ءۇشىنشىسى – قاراعاندى وبلىسىنداعى وتاندىق ءونىم وندىرۋشىلەر مەن جۇيەنى قۇرۋشى كاسىپورىندار اراسىنداعى جەرگىلىكتى مازمۇندى دامىتۋ ماسەلەسىن تياناقتايدى. مەموراندۋمدارعا قول قويۋ­شىلار اراسىندا «قاز­مۇ­نايگاز» ۇك» اق, «قازاقستان تەمىر جو­لى» ۇك» اق, «قازاقتەلەكوم» اق, «قازاۆتوجول» ۇك» اق, «ارسە­لور­ميتتال تەمىرتاۋ» اق, «قازاق­مىس» كورپوراتسياسى» جشس, «ەۋ­رازيالىق توپ» جشس جانە قارا­عاندى وبلىسىنىڭ ءونىم وندىرۋشىلەرى بار. جيىن سوڭىندا وبلىس اكىمى: «ءبىز, «جۇمىلعان جۇدىرىقتاي» بولىپ, بىرلەسكەن قيمىلدىڭ ارقا­سىندا ەكونوميكانىڭ ايرىق­شا كەزەڭىندەگى كەدەرگىلەردى ەڭسەرە­تى­نىمىزگە, حالىق مۇددەسى جولىنداعى جەتىستىكتەردى جۇيەلى ەتىپ, سانى مەن ساپاسىن ارتتىرا تۇسەتىنىمىزگە سەنەمىن» دەسە, ب.ساپارباەۆ ءوزا­را ىنتىماقتاستىق جونىندەگى مەمو­راندۋمدارعا قول قويعان كاسىپ­ورىندار باسشىلارىنا ەل ۇكىمە­تىنىڭ اتىنان العىس سەزىمىن ءبىلدىردى. – ءبىزدىڭ «ءبىر جاعادان باس, ءبىر جەڭنەن قول» شىعارا وتىرىپ ارەكەت ەتۋىمىز, ءوز كەزەگىندە, جۇمىس ورىندارىن ساقتاۋعا, تاۋار وندىرۋشىلەردى قولداۋعا, تيىسىنشە, وبلىس تۇرعىندارىنىڭ ءال-اۋقاتىن ارتتىرۋعا يگى اسەرىن تيگىزەدى, – دەدى ۆيتسە-پرەمەر ءسوز تۇيىنىندە. احات قۇرمانسەيىتوۆ, جۋرناليست. قاراعاندى.