«مەملەكەتتىك قىزمەت ىستەرى اگەنتتىگى Telegram جانە WhatsApp مەسسەندجەرلەرىندە جالعان اككاۋنتتار اشىپ, اگەنتتىك توراعاسى دارحان جازىقبايدىڭ اتىنان حابارلامالار تاراتقان الاياقتار تۋرالى ەسكەرتەدى», دەلىنگەن ۆەدومستۆونىڭ حابارلاماسىندا.
بەلگىسىز تۇلعالار قانداي دا ءبىر مالىمەتتەردى الۋ ارقىلى الاياقتىق ارەكەتتەر جاساۋعا تىرىسىپ جاتقانى تۇسىندىرىلەدى.
اگەنتتىك قازاقستاندىقتاردى جالعان حابارلامالارعا سەنبەۋگە, جاۋاپ بەرمەۋگە جانە كۇماندى سىلتەمەلەرگە وتپەۋگە شاقىرادى.
ەسكە سالايىق, بۇعان دەيىن قازاقستاندىقتارعا الاياقتىقتىڭ جاڭا ءتۇرى تۋرالى ەسكەرتىلدى. قۇزىرلى ورگانداردىڭ ايتۋىنشا, الاياقتار انتيكور سيمۆوليكاسى بار جالعان قۇجاتتار مەن حابارلامالار جىبەرىپ جاتىر. سىبايلاس جەمقورلىققا قارسى قىزمەتتىڭ مالىمەتىنشە, ءتۇرلى الاياقتار WhatsApp, Telegram جەلىلەرىندە ارەكەت ەتەدى.
