فوتو: ۆەدومستو
الماتى
الماتى قالاسىن شارۋاشىلىق-اۋىز سۋمەن جانە ونەركاسىپتىك كاسىپورىنداردى تەحنيكالىق سۋمەن جابدىقتاۋ ءۇشىن بارلانعان. مينەرالدانۋى 0,5-0,6 گ/ل دەيىن, سۋدىڭ ساپاسى جاقسى جانە اۋىز سۋ تالاپتارىنا ساي كەلەدى. جەراستى سۋ قورىنىڭ «ا» ساناتى بويىنشا بولجامدى مولشەرى - تاۋلىگىنە 457 مىڭ تەكشە مەتر. بۇگىندە سۋ ورنىنان تاۋلىگىنە 200 مىڭ تەكشە مەتر سۋ الىنادى.
كوكجيدە
اقتوبە وبلىسىنداعى ەمبى قالاسىنان 95 شاقىرىم جەردە ورنالاسقان. جەراستى سۋى شارۋاشىلىق-اۋىزسۋمەن جابدىقتاۋ ءۇشىن پايدالانىلادى. تاۋلىگىنە 7,84 مىڭ تەكشە مەتر سۋ الىنادى. ەسەپتىك پايدالانۋ مەرزىمى - 27 جىل. جەراستى سۋ قورىنىڭ «ا+ۆ+س1» ساناتتارى بويىنشا بولجامدى مولشەرى - تاۋلىگىنە 196,5 مىڭ تەكشە مەتر.
تالعار
الماتىدان شىعىسقا قاراي 30 شاقىرىم جەردە ورنالاسقان. الماتى قالاسىن شارۋاشىلىق-اۋىز سۋمەن قامتاماسىز ەتۋ ءۇشىن بارلانعان. جەراستى سۋلارىنىڭ قورى «ا+ۆ+س1» ساناتتارى بويىنشا تاۋلىگىنە 989,28 مىڭ تەكشە مەتر مولشەرىندە بەكىتىلگەن.
مەركەن
مەركى جانە نوۆوسكرەسەنسكوە اۋىلدارىنىڭ ارالىعىندا قىرعىز جوتاسىنىڭ سولتۇستىك بەتكەيىندە ورنالاسقان. اۋدان ورتالىعى مەركى قالاسى مەن وعان جاقىن ورنالاسقان ەلدى مەكەندەردى شارۋاشىلىق-اۋىزسۋمەن قامتاماسىز ەتۋ جانە جەردى سۋلاندىرۋ ماقساتىندا بارلانعان. جەراستى سۋلارىنىڭ قورى «ا+ۆ+س1» ساناتتارى بويىنشا تاۋلىگىنە 770 مىڭ تەكشە مەتر كولەمىندە بەكىتىلگەن.
كەڭقياق
اقتوبە وبلىسىنداعى كەڭقياق كەنتىنەن 11 شاقىرىم جەردە ورنالاسقان. جەراستى سۋى اۋىزسۋمەن جابدىقتاۋ جانە ونەركاسىپتىك كاسىپورىنداردى تەحنيكالىق سۋمەن جابدىقتاۋ ءۇشىن پايدالانىلادى. بۇگىنگى تاڭدا تاۋلىگىنە 1,442 مىڭ تەكشە مەتر سۋ الىنادى. سۋ قورىنىڭ بولجامدى مولشەرى - «ا+ۆ» ساناتتارى بويىنشا تاۋلىگىنە 5,0 مىڭ تەكشە مەتر.
