اقسايدا قوقىس وڭدەلەدى

جاڭا زاۋىتتىڭ اشىلۋ سالتاناتىنا وبلىس اكىمىنىڭ ورىنباسارى باقىتجان نارىمبەتوۆ, ءبورلى اۋدا­نى اكىمىنىڭ مىندەتىن اتقارۋشى التاي توقجانوۆ, وبلىستىق ەكولوگيا دەپارتامەنتىنىڭ باسشىسى مۇرات ەرمەكقاليەۆ, اۋدان تۇرعىندارى قاتىستى.

ء«بىزدىڭ كومپانيا قاۋىپتى قالدىقتاردى وڭدەيدى, زارارسىزداندىرىپ, جويا دا الادى. ول ءۇشىن كەشەندە ارنايى قۇرىلعىلار, ينسينەراتور, قالدىقتى سۇرىپ­تاۋ جەلىسى, قاعاز بەن پلاستيك ىدىستاردى سىعىم­داي­تىن جابدىق, اعاش قالدىعىن جاڭقالايتىن قۇرال بار», دەيدى وسى جوبانىڭ نەگىزىن قالاۋشى, «Merlion Development Group» كومپانياسىنىڭ باسشىسى دينار حاميەۆ.

كەشەندە قۇرىلىس قالدىقتارى, ەسكىرگەن ارناۋلى كيىمدەر, جەكە قورعانىس قۇرالدارى, اعاش قالدىعى وڭدەلەدى. سونداي-اق ماكۋلاتۋرانى, پەت-ىدىستاردى, اليۋميني, پلاستيك قالبىرلاردى سۇرىپتايدى.

– 40 مىڭ ادام تۇراتىن اقساي قالاسىندا نەگىزگى يننوۆاتسيالىق نىساندار جۇمىس ىستەپ تۇر. وسى جوبانىڭ وزىنە 800 ملن تەڭگە ينۆەستيتسيا قۇيىلىپ وتىر. جوبانىڭ قۋاتى جىلىنا 5 مىڭ توننا قالدىق وڭدەۋگە قابىلەتتى. 12 ادامعا تۇراقتى جۇمىس اشىلدى. الەمدىك تاجىريبەدە مۇنداي قالدىق وڭدەيتىن نىسانداردىڭ قىزمەتى ەكولوگيا ءۇشىن دە, بيزنەس ءۇشىن دە وتە ماڭىزدى. بيىل ەلىمىزدە وسى سالانى ءوندىرىستى دامىتۋ قورى ارقىلى 3 جىلدان 15 جىلعا دەيىن 3 پايىزدىق وسىممەن جەڭىلدىكتى قارجىلاندىرۋ مەحانيزمى ىسكە قوسىلدى. وسى ماقساتقا ءۇش جىلعا 200 ميلليارد تەڭگە قاراجات ءبولىنىپ وتىر. باعدارلامانىڭ كومەگىمەن كەشەن جۇمىسىن ودان ءارى كەڭەيتۋ كەرەك, – دەدى ب.نارىمبەتوۆ.

سوڭعى جىلدارى يتاليالىق «PetrolValves S.p.A» كومپانياسى مەن وتاندىق «Merlion Development Group» جشس «PetrolValves Kazakhstan» اتتى بىرىككەن كاسىپ­ورىن قۇرىپ, مۇناي-گاز, ەنەرگەتيكا ونەركا­سىبىن­دە قولدانىلاتىن جوعارى تەحنولوگيالىق تيەكتى ارماتۋرالار, كلاپاندار وندىرۋمەن, ولاردى جون­دەۋمەن اينالىسىپ كەلەدى. بۇل – ەلىمىزدە جوعارى تەحنولوگيالىق كلاپاندار وندىرەتىن, سەرۆيستىك قىزمەت كور­سەتەتىن جالعىز ءوندىرىس ورنى. بىلتىر مەملەكەت باس­شىسى قاسىم-جومارت توقاەۆ باتىس قازاقستان وبلىسىنا جۇمىس ساپارى اياسىندا اقساي قالاسىنداعى «PetrolValves Kazakhstan» جشس-نىڭ ءوندىرىس تسەحىنا بارعان بولاتىن.

باتىس قازاقستان وبلىسى