فوتو: ەلدار قابا
مەملەكەت باسشىسىنىڭ جولداۋىندا بەلگىلەنگەن جاڭا ەكونوميكالىق باعىت, الەمدىك ساياسي سىن-تەگەۋرىندەر مەن گەوساياسي كونيۋنكتۋرانىڭ بەلگىسىزدىگى مەملەكەتىمىزدىڭ قارجىلىق ورنىقتىلىعىن, تۇراقتىلىعىن جانە ۇزاق مەرزىمدى دامۋ ماقساتتارىنا قول جەتكىزۋدى قامتاماسىز ەتۋگە مۇمكىندىك بەرەتىن ەلدىڭ بيۋدجەت ساياساتىنداعى وزگەرىستەردى تالاپ ەتتى.
جاڭا بيۋدجەت كودەكسىندە مەملەكەت قارجىسىن باسقارۋدىڭ نەگىزگى قۇرالدارىن بەلگىلەۋگە, ەلدىڭ الەۋمەتتىك-ەكونوميكالىق دامۋىن قامتاماسىز ەتۋ ءۇشىن ولاردىڭ ناتيجەلىلىگىن ارتتىرۋعا ارنالعان تاسىلدەر كورىنىس تاپتى.
بيۋدجەت كودەكسىنىڭ جوباسىندا مىنالار كوزدەلگەن:
- مەملەكەتتىك قارجىنى شوعىرلاندىرىلعان ەسەپكە الۋ. بيۋدجەت كودەكسىن رەتتەۋ ءمانى كەڭەيتىلىپ,بيۋدجەتتىڭ وزىنەن باسقا مەملەكەتتىڭ بيۋدجەتتەن تىس اكتيۆتەرى مەن مىندەتتەمەلەرىنىڭ بارلىق تۇرلەرىن قامتيدى;
- ارتىق كەزەڭدەر مەن بيۋروكراتيالانعان راسىمدەردى الىپ تاستاۋ ەسەبىنەن مەرزىمدەرىن ەكى ەسە قىسقارتا وتىرىپ, بيۋدجەتتىك پروتسەستى وڭتايلاندىرۋ;
- وڭتايلاندىرىلعان بيۋدجەتتىك پروتسەستى ەسكەرە وتىرىپ, مەملەكەتتىك ورگانداردىڭ نازارىن بيۋدجەتتىجوسپارلاۋ كەزىندەگى ساراپتامالىق جۇمىستارعا اۋدارۋ;
- بيۋدجەت دەڭگەيلەرى اراسىنداعى كىرىستەر مەن شىعىستاردىڭ تەڭگەرىمدىلىگى مەن رەتتىلىگىن قامتاماسىز ەتۋ, وڭىرلىك ستاندارتتار جۇيەسى ارقىلى رەسپۋبليكالىق بيۋدجەتتەن وڭىرلەرگە بولىنەتىن جالپى سيپاتتاعى ترانسفەرتتەردى جوسپارلاۋ ساپاسىن ارتتىرۋ;
- بيۋدجەتتىك پروتسەسكە قاتىسۋشىلاردىڭ ەسەپتىلىگىن, جاۋاپكەرشىلىگىن جانە بيۋدجەتتىك پروتسەستىڭ اشىقتىعىن كەڭەيتۋ.
بيۋدجەت كودەكسى جاڭا رەداكتسيادا ەلدىڭ ورنىقتى دامۋىن قامتاماسىز ەتۋگە باعىتتالعان جاعدايلا ر جاساۋعا مۇمكىندىك بەرىپ, مەملەكەتتىڭ ەكونوميكالىق ساياسات پەن الەۋمەتتىك-ەكونوميكالىق دامۋ مىندەتتەرىن ىسكە اسىرۋىنا وڭ اسەر ەتەدى.
ءماجىلىس قابىلداعان بيۋدجەت كودەكسىنىڭ جوباسى قاراپ, كەلىسۋ ءۇشىن سەناتقا جىبەرىلگەن.
