عاريفوللا قۇرمانعاليەۆ اتىنداعى باتىس قازاقستان وبلىستىق فيلارمونياسىنىڭ باس عيماراتى الدىنا قويىلعان ونەر تۋىندىسىنىڭ اۆتورى – سۋرەتشىلەر وداعىنىڭ مۇشەسى ەرعالي بەكەشەۆ.
ەسكەرتكىش كەشەن توت باسپايتىن اسىل مەتالدان جاسالعان. مۇسىندىك كومپوزيتسياعا ورال قالاسىنداعى «التىن الما» كومپانيالار توبىنىڭ ديرەكتورى الەكساندر ەلكين دەمەۋشىلىك ەتىپتى.
ورال قالاسىنىڭ كوركىنە كورىك قوسقان جاڭا تۋىندىنىڭ اشىلۋ سالتاناتىنا فيلارمونيا ديرەكتورى باۋىرجان حاليوللا, كۇيشى ەرمەك قازيەۆ, «بايتاق» جاسىلدار پارتياسىنىڭ باتىس قازاقستان وبلىسى فيليالىنىڭ توراعاسى باقىتجان مۇشتانوۆ, كومپوزيتسيالىق ءمۇسىن اۆتورى ەرعالي بەكەشەۆ قاتىسىپ, ءسوز سويلەدى.
– بۇگىن ەرەكشە ءسات, ايتۋلى كۇن بولىپ تۇر. ويتكەنى قادىر اعامىزدىڭ ناقىلعا اينالعان «ناعىز قازاق قازاق ەمەس, ناعىز قازاق – دومبىرا» دەگەن ءسوزى بارىمىزگە تانىس قوي. ەندەشە, دومبىراعا قويىلعان ەسكەرتكىش – ۇلتىمىزعا, ۇلت ونەرىنە كورسەتىلگەن قۇرمەت! – دەدى اق جايىق وڭىرىندە جۇرگەن حالىق دومبىراشىلارىنىڭ بۇگىنگى كوزى ءتىرى قارياسى ەرمەك قازيەۆ.
باتىس قازاقستان وبلىسى
