ءىىم-ءنىڭ ايەلدەردى زورلىق-زومبىلىقتان قورعاۋ جونىندەگى بولىمشەلەرى بيىل 16 مىڭ زاڭ بۇزۋشىلىقتىڭ جولىن كەستى. سونداي-اق كيكىلجىڭ شىعارعان 91 مىڭ ازامات اكىمشىلىك جاۋاپكەرشىلىككە تارتىلىپ, ونىڭ ىشىندە 24 مىڭى قاماۋعا الىنعان. بۇل وتكەن جىلمەن سالىستىرعاندا 2,5 ەسە جوعارى.
– پرەزيدەنت انا مەن بالا مۇددەسىن قورعاۋ ماسەلەلەرىنە ەرەكشە نازار اۋدارادى. بۇل – مەملەكەتتىڭ ستراتەگيالىق مىندەتى. بيىل ۇلتتىق كوميسسيا «زاڭ مەن ءتارتىپ» قاعيداتىن قاتاڭ ساقتاۋدى قامتاماسىز ەتۋ باعىتىنا باسىمدىق بەرەدى. ايەلدەر مەن بالالارعا قاتىستى قىلمىستاردى تەرگەۋ جۇيەسىن جەتىلدىرۋ ماسەلەسى – ۇلتتىق كوميسسيانىڭ تۇراقتى باقىلاۋىندا. ءبىزدىڭ مىندەتىمىز – تەرگەۋشى ايەلدەردىڭ الەۋەتىن پايدالانا وتىرىپ, ايەلدەر مەن بالالاردىڭ قاۋىپسىزدىگىن قامتاماسىز ەتۋ تۋرالى زاڭنىڭ ورىندالۋىن باقىلاۋ جانە ونى تولىق قامتاماسىز ەتۋ, – دەدى ۇلتتىق كوميسسيا توراعاسى ايدا بالاەۆا.
ايەلدەر مەن كامەلەتكە تولماعاندارعا قاتىستى زورلىق-زومبىلىق قىلمىستارىن تەرگەۋمەن 261 ايەل-تەرگەۋشى اينالىسادى. قۇرىلعان ءموبيلدى توپتار مەكەنجايى بويىنشا 33 مىڭنان اسا وتباسىن قاراپ, كومەككە مۇقتاج 1 مىڭنان اسا وتباسىن انىقتادى.
توپتاردىڭ ءتيىمدى جۇمىس ىستەۋى ءۇشىن قىزمەتتىڭ ۇيىمداستىرۋشىلىق نەگىزدەرى, ونىڭ ىشىندە ايەل تەرگەۋشىلەردىڭ وسى قىلمىستىق ىستەردى ايرىقشا تەرگەۋى تۋرالى تالاپتارى ايقىندالعان قاعيدالار ازىرلەنىپ, بەكىتىلدى.
ۇلتتىق كوميسسيا «سامۇرىق-قازىنامەن» بىرلەسە ء«بىر قادام» «One-Stop-Service» قاناتقاقتى جوباسىنا باستاماشىلىق جاسادى. جوبانى ايمان وماروۆا باسقارادى. باستاما اياسىندا بيىل 46-دان اسا قىلمىستىق ءىس قارالعان. باسىم كوپشىلىگى بالالارعا قاتىستى جىنىستىق زورلىق-زومبىلىققا قاتىستى. ءوتىنىش بىلدىرگەن 669 ايەلدەر مەن بالالار شۇعىل قۇقىقتىق, پسيحولوگيالىق جانە ساراپتامالىق كومەك الدى.
جالپى, جوبا شەڭبەرىندە كامەلەتكە تولماعانداردى جابىرلەۋ, قۋدالاۋ, قورقىتۋ, تۇرمەدەگى زورلىق-زومبىلىق, تۇرمىستىق زورلىق-زومبىلىق سالدارىنان بولعان كىسى ءولىمى فاكتىلەرىنە قاتىستى قىلمىستىق ىستەر قوزعالعان.
ۇلتتىق كوميسسيا ايەلدەر مەن بالالاردىڭ قۇقىقتارىن قورعاۋ سالاسىنداعى قۇقىق قولدانۋ پراكتيكاسىن قاداعالاۋدى جالعاستىرادى. بۇل جۇمىستىڭ تيىمدىلىگى قۇقىق قورعاۋ ورگاندارىنىڭ, قوعامدىق ۇيىمداردىڭ جانە ازاماتتاردىڭ جۇمىلۋى ارقىلى ناتيجەلى بولماق.
وتىرىس قورىتىندىسى بويىنشا كوميسسيا توراعاسى ا.بالاەۆا مەملەكەتتىك ورگاندارعا بىرقاتار تاپسىرما بەردى.
