ەڭبەك داۋلارىن شەشۋ تۋرالى نورماتيۆتىك قاۋلىلاردىڭ (نق) جوبالارى, ازاماتتىق جانە ازاماتتىق-پروتسەستىك زاڭناماسى بويىنشا نق جوبالارىنا وزگەرىستەر, سونىڭ ىشىندە مەملەكەتتىك تىلدەگى نق جوبالارىنا وزگەرىستەر تالقىلاندى.
سونىمەن قاتار جوعارعى سوتتىڭ سۋدياسى تىنىشتىق مولداحمەتوۆا ەڭبەك داۋلارىن شەشۋدىڭ سوتقا دەيىنگى ءتارتىبىن, ەڭبەك شارتىن جاساسۋ, وزگەرتۋ جانە بۇزۋ ءتارتىبىن, ەڭبەك جاعدايلارىن وزگەرتۋدى, كەلىسىم كوميسسياسىنىڭ ءرولى مەن وكىلەتتىكتەرىن كەڭەيتۋدى ءتۇسىندىردى.
بۇعان قوسا جۇمىس بەرۋشىنىڭ باستاماسى بويىنشا ەڭبەك شارتىن بۇزۋعا قىزمەتكەردىڭ اۋىسىمارالىق دەمالىس كەزىندە ماس كۇيىندە بولۋىن انىقتاۋ نەگىز بولا المايتىنى اتاپ ءوتىلدى. باسقا دا قۇقىق قولدانۋ ماسەلەلەرى تالقىلاندى.
جوعارعى سوتتىڭ سۋدياسى عالىمجان مىرزاكەنىڭ ايتۋىنشا, 11 نق-عا, اك-كە جانە اپك-كە سوت قىزمەتىنىڭ جالپى ماسەلەلەرى بويىنشا وزگەرىستەر ەنگىزىلدى, زاڭعا ەنگىزىلگەن وزگەرىستەرگە قاتىستى كەيبىر تەرميندەر ءبىر جۇيەگە كەلتىرىلدى, تالاپ قويۋدىڭ مازمۇنىنا قويىلاتىن تالاپتار ناقتىلانۋدا, تالاپ قويۋعا ەنگىزىلەتىن دالەلدەمەلەر ەگجەي-تەگجەيلى قاراستىرىلۋدا, جشس جارعىلىق كاپيتالىنىڭ مولشەرىن انىقتاۋ ءتارتىبىن ناقتىلاۋدا, اكتسيونەرلەردىڭ جالپى جينالىسىن شاقىرۋ جانە وتكىزۋ ءتارتىبى, ت.ب. ءتۇسىندىرىلىپ جاتىر.
جوعارعى سوتتىڭ ازاماتتىق ىستەر جونىندەگى سوت القاسىنىڭ توراعاسى نۇرسەرىك ءشارىپوۆ ءوز سوزىندە ازاماتتاردىڭ قۇقىقتارىن ءتيىمدى قورعاۋ ءۇشىن قۇقىقتىق قۇجاتتاردى مەملەكەتتىك تىلدە ساپالى ازىرلەۋدىڭ, ولاردىڭ جەڭىل ءارى قولايلى بولۋىنىڭ ماڭىزدىلىعىنا توقتالدى. بايانداماشى نق-نىڭ ناقتىلاۋلارى سوت پراكتيكاسىنىڭ بىركەلكىلىگىن قامتاماسىز ەتەتىنىن اتاپ ءوتتى.
جوعارعى سوت توراعاسى اسلامبەك مەرعاليەۆ پىكىر الماسۋداعى كونسترۋكتيۆيزمدى جەتكىزىپ, نق جوبالارىنىڭ وزەكتىلىگىنە توقتالدى.
تالقىلاۋ ناتيجەسىندە جالپى وتىرىسقا قاتىسۋشىلار نورماتيۆتىك قاۋلىلاردى قابىلداۋ ءۇشىن داۋىس بەردى, ولار جوعارعى سوتتىڭ ينتەرنەت-رەسۋرسىندا «زاڭناما» بولىمىندە ورنالاستىرىلعان.
نق قر نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىندە رەسمي تۇردە جاريالانادى.
