«Uzakrota Travel Summit» – تۋريستىك يندۋسترياداعى ماڭىزدى شارالاردىڭ ءبىرى. ونىڭ بارىسىندا تۋريزم سالاسىنداعى جىل ىشىندەگى ناتيجەلەرگە سايكەس 40 اتالىم ۇزدىكتەرى انىقتالادى. «Kazakh Tourism» كومپانياسىمەن قاتار ساۋد ارابياسى, ءباا, سەربيا, وڭتۇستىك كورەيا, وڭتۇستىك افريكا, تايلاند, يرلانديا مەملەكەتتەرىنىڭ ءتۇرلى تۋريستىك ۇيىمدارى دا ءوز ەلدەرىنىڭ حالىقارالىق تۋريستىك ارەناداعى بەدەلىن ارتتىرۋعا قوسقان ۇلەسى ءۇشىن ۇزدىك بولىپ تانىلدى. جەڭىمپازدار بەدەلدى ساراپشىلار مەن كەڭ كولەمدى اۋديتوريانىڭ پىكىرى نەگىزىندە انىقتالدى. ەلىمىز «Uzakrota Travel Awards» سىيلىعىمەن العاش رەت ماراپاتتالىپ وتىر.
«Kazakh Tourism» ۇلتتىق كومپانياسى» ۇكىمەتتىڭ 2017 جىلعى 14 شىلدەدەگى № 428 قاۋلىسىمەن جارعىلىق كاپيتالىنا مەملەكەت ءجۇز پايىز قاتىساتىن اكتسيونەرلىك قوعام رەتىندە قۇرىلعان. كومپانيا قىزمەتىنىڭ نەگىزگى باعىتى – حالىقارالىق كورمەلەر ۇيىمداستىرۋ, وتكىزۋ, بالالار مەن جاسوسپىرىمدەر ءتۋريزمىن, مەديتسينالىق ءتۋريزمدى دامىتۋ, كەلۋ ءتۋريزمىنىڭ اعىسىن كوبەيتۋ, جارمەڭكەلەر, اۋكتسيوندار, ەل ءيميدجىن ىلگەرىلەتۋگە باعىتتالعان ىسكەرلىك, ويىن-ساۋىق ءىس-شارالارىن ۇيىمداستىرۋ.
سامميتكە الەمنىڭ 110 ەلىنەن 15 مىڭ دەلەگات قاتىستى. «Kazakh Tourism» قاتىسۋشىلارعا ەلىمىزدىڭ تۋريستىك الەۋەتى مەن ينۆەستيتسيالىق مۇمكىندىكتەرىن تانىستىردى. 2025 جىلى ەلىمىز حالىقارالىق EMITT تۋريستىك كورمەسىنە قاتىسادى. ونىڭ ارقاسىندا تۇركيامەن, باسقا ەلدەرمەن تۋريستىك بايلانىستاردى نىعايتۋ كوزدەلىپ وتىر.
تۇركيا – تمد ەلدەرىن ەسەپكە الماعاندا, ەلىمىزگە كەلەتىن تۋريستەر سانى جونىنەن ەكىنشى ورىندا. 30 كۇنگە دەيىنگى ۆيزاسىز رەجىم, قوس مەملەكەت اراسىنداعى تۇراقتى تىكەلەي رەيستەر كەلۋشىلەر قاتارىنىڭ ارتۋىنا ىقپال ەتەدى. بيىلعى جىلدىڭ ءۇش توقسانىندا ەلىمىزگە كەلگەن تۇرىك تۋريستەرىنىڭ سانى 2023 جىلدىڭ سايكەس كەزەڭىمەن سالىستىرعاندا 12%-عا ارتتى.
بيىل حالىقارالىق «Lonely Planet» باسپاسى «Best in Travel» رەيتينگىندە ەلىمىزدى 2025 جىلى ساياحاتتاۋعا بولاتىن ەڭ ۇزدىك ەلدەردىڭ ءبىرى رەتىندە بەلگىلەگەنىن اتاپ وتكەن ءجون.
