فوتو: sb.by
شاراعا كاتار, ءباا, ءازىربايجان, باحرەين, مالايزيا, پاكىستان, ءۇندىستان جانە قازاقستاننان ءدىني بىرلەستىكتەر وكىلدەرى, تۇراقتى دامۋ سالاسىنداعى ساراپشىلار, ديپلوماتتار, سونداي-اق ديالوگ جانە الەۋمەتتىك تۇراقتىلىق ماسەلەلەرىنە ماماندانعان عالىمدار قاتىستى.
دوڭگەلەك ۇستەلدىڭ ماقساتى – تۇراقتى دامۋ ماقساتتارىنا قول جەتكىزۋدەگى ءدىني ليدەرلەردىڭ, سونداي-اق الەمدىك جانە ءداستۇرلى دىندەر ليدەرلەرى سەزىنە قاتىسۋشىلارى مەن دوستارىنىڭ ىزگىلىك قۇندىلىقتارىن ىلگەرىلەتۋدەگى ءرولىنىڭ ماڭىزدىلىعىن زەرتتەۋ.
دوڭگەلەك ۇستەل تۇراقتى دامۋداعى سەنىمنىڭ ءرولىن وي ەلەگىنەن وتكىزىپ, سەنىمگە نەگىزدەلگەن باستامالار مەن كونفەسسياارالىق سەرىكتەستىكتەردىڭ الەۋەتىن زەرتتەي وتىرىپ, ءدىن كوشباسشىلارىنىڭ, قاۋىمداستىقتار مەن ينستيتۋتتاردىڭ قازىرگى زاماننىڭ ەڭ وزەكتى جاھاندىق ماسەلەلەرىن شەشۋ ءۇشىن قالاي بىرلەسىپ جۇمىس ىستەيتىنى تۋرالى جاڭا تۇسىنىكتەر بەردى.
شارانى اشقان ورتالىق توراعاسىنىڭ كەڭەسشىسى بولات سارسەنباەۆ ءدىني ۇيىمدار مەن ءدىن ليدەرلەرىنىڭ كونفەسسياارالىق ديالوگتى نىعايتۋعا, ءبىلىم بەرۋدى دامىتۋعا جانە قورشاعان ورتاعا قامقورلىق جاساۋعا كوپتەن ۇلەس قوسىپ كەلە جاتقانىن اتاپ ءوتتى.
«بىرلەسە جۇمىس ىستەي وتىرىپ, ءبىز بارلىق سەنىم داستۇرلەرى ورتاق مورالدىق جانە ەتيكالىق قۇندىلىقتاردى تۇراقتى دامۋ ماقساتتارىنا (تدم) قول جەتكىزۋ ءۇشىن جانە نەعۇرلىم ءادىل جانە ينكليۋزيۆتى الەم قۇرۋ ءۇشىن قولدانا الامىز», دەدى ول.
ءوز كەزەگىندە باكۋ حالىقارالىق مۋلتيمادەنيەت ورتالىعىنىڭ اتقارۋشى ديرەكتورى راۆان گاسانوۆ بۇل پىكىرتالاستىڭ ءبىزدى بىرىكتىرەتىن قۇندىلىقتاردى كورسەتەتىنىنە توقتالىپ, سەنىمدەر ءارتۇرلى بولعانىمەن, عالامشارىمىزدى قورعاۋعا جانە ادامزاتتى دامىتۋعا دەگەن ۇمتىلىسىمىزدا شەك جوق ەكەنىن اتاپ ءوتتى. تاريحتا ىبىرايىمدىق دىندەردىڭ ارقايسىسى – يۋدايزم, حريستياندىق جانە يسلام – جاراتىلىستى ساقتاۋدىڭ ماڭىزدىلىعىن اتاپ وتكەن.
ء«دىني قاۋىمداستىقتار مەن ولاردىڭ ليدەرلەرى ارقاشان ادامگەرشىلىك پەن جاناشىرلىقتىڭ مىزعىماس شامشىراقتارى بولدى. قازىرگى ءوزارا بايلانىستى الەمدە ولاردىڭ ىقپالى بەيبىتشىلىكتى ىلگەرىلەتۋ, كەدەيلىكتى جويۋ, بالالارىمىزعا دۇرىس ءبىلىم بەرۋ, گەندەرلىك تەڭدىكتى ىلگەرىلەتۋ, قورشاعان ورتانى قورعاۋ جانە بەرىك سەرىكتەستىك ورناتۋ سياقتى جاھاندىق باسىمدىقتاردى شەشۋگە باعىتتالعان», دەپ اتاپ ءوتتى ءوز سوزىندە دوحا حالىقارالىق كونفەسسياارالىق ديالوگ ورتالىعىنىڭ ديرەكتورلار كەڭەسىنىڭ توراعاسى, پروفەسسور يبراگيم ساليح ءال-نايمي نايمي.
ونلاين-دوڭگەلەك ۇستەل تۇراقتى دامۋ ماقساتتارىن بىرلەسىپ ىلگەرىلەتۋگە ءدىني جانە ساراپشىلىق قاۋىمداستىقتاردىڭ جوعارى قىزىعۋشىلىعىن كورسەتتى. قورىتىندىلاي كەلە, ۇيىمداستىرۋشىلار بارلىق قاتىسۋشىلارعا العىسىن ءبىلدىردى جانە الەمدىك جانە ءداستۇرلى دىندەر ليدەرلەرى سەزىنىڭ 2023-2033 جىلدارعا ارنالعان دامۋ تۇجىرىمداماسىن ىلگەرىلەتۋ شەڭبەرىندە سەنىم, ديالوگ جانە بىرلەسكەن كۇش-جىگەر پريزماسى ارقىلى جاھاندىق ماقساتتارعا قول جەتكىزۋ ءۇشىن ىنتىماقتاستىقتى جالعاستىرۋعا دايىن ەكەندىكتەرىن اتاپ ءوتتى.
