قوستاناي وبلىسىندا ەسىرتكى زاتتارىن الىپ ءوتۋدىڭ 15 وقيعاسى تىركەلدى

قوستاناي. 30 ءساۋىر. «قايراق» شەكارا بەكەتىندەگى  وتكىزۋ قىزمەتىنىڭ قىزمەتكەرلەرى ەكاتەرينبۋرگ قالاسىنىڭ 44 جاستاعى تۇرعىنىن توقتاتتى. ول مىنگەن ءاۆتوموبيلدى تەكسەرۋ ءۇشىن قارابالىق اۋداندىق ىشكى ىستەر ءبولىمىنىڭ پوليتسەيلەرى شاقىرىلدى. ماشينادان  كەپتىرىلگەن ماريحۋانا تابىلدى. بۇل تۋرالى alau.kz حابارلادى. قوستاناي ىشكى ىستەر دەپارتامەنتىنىڭ باسقارما باستىعى لەۆ كۆاسەنكونىڭ مالىمەتىنشە, قوستاناي وبلىسى وڭىرىندەگى شەكارا بەكەتتەرىنەن جىل باسىنان بەرى  ەسىرتكى زاتىن زاڭسىز الىپ ءوتۋدىڭ 15 وقيعاسى تىركەلگەن. بۇل  وتكەن جىلدىڭ وسى مەرزىمىنە قاراعاندا ەكى ەسەدەن اتىپ كەتكەن. سوڭعى جىلدارى جۇرگىزۋشىلەردىڭ ەسىرتكى شەگىپ الىپ رۋلگە وتىرۋى  ءجيى كەزدەسەدى. جاقىندا جول-كۇزەت باتالونىنىڭ  پوليتسەيلەرى ليساكوۆ قالاسىنان شىعاتىن ليساكوۆ–وكتيابر تاسجولىندا «ۆاز-21150» ماشيناسىنىڭ  جولدىڭ ەكى بەتىنە تەڭسەلىپ بارا جاتقانىن بايقايدى.  ونى توقتاتقاندا 19 جاسار جۇرگىزۋشىنىڭ ەسرىتكى شەگىپ العانى بەلگىلى بولدى. قوستاناي قالاسىندا  زاڭسىز ەسىرتكى اينالىمى  باسەڭسىمەي تۇر. ءنازيرا جارىمبەتوۆا. دەرەك, سۋرەت: alau.kz