فوتو: پاۆلودار وبلىسىنىڭ اكىمدىگى
ەستەرىڭىزگە سالا كەتەيىك, پاۆلودار اۋدانىن 2023 جىلدىڭ قاڭتارىنان باستاپ باسقارعان نيكولاي دىچكو ءوز ەركىمەن قىزمەتىنەن بوساتىلعان ەدى.
ديدار ەلۋبەك ۇلى 1992 جىلى جەلەزين اۋدانىندا دۇنيەگە كەلگەن. 2014 جىلى س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا اياقتاعان.
ەڭبەك جولىن 2009 جىلى قر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتىنىڭ اۋماقتىق ورگانىندا باستاعان.
2022 جىلدان باستاپ وسى ۋاقىتقا دەيىن پاۆلودار وبلىسى اكىمى اپپاراتىنىڭ باسشىسى قىزمەتىن اتقارعان.
اسايىن بايحانوۆ وبلىستىڭ ەڭ ءىرى اۋداندارىنىڭ بىرىنە تاعايىندالعان جاڭا باسشىنىڭ الدىنا ءبىرىنشى كەزەكتەگى مىندەتتەردى قويدى.
«اۋدان ينۆەستيتسيا تارتۋ الەۋەتىنە يە. الايدا, وكىنىشكە قاراي, اوك, الەۋمەتتىك جانە تۋريستىك سالالارعا, اۋدان ءۇشىن ستراتەگيالىق وڭدەۋشى ونەركاسىپكە ينۆەستيتسيا تارتۋ جۇمىستارى وتە تومەن دەڭگەيدە. ءوڭىر باسشىسى ينۆەستيتسيا تارتۋ جانە جاڭا جۇمىس ورىندارىن اشۋ جۇمىستارىن جانداندىرۋدى تاپسىردى. سونداي-اق, پاۆلودار اۋدانىنىڭ اكىمدىگى اعىمداعى جىلدىڭ 10 ايىنىڭ قورىتىندىسى بويىنشا تيىمدىلىك رەيتينگىندە اۋتسايدەر بولادى. بيىلعى جىلى اۋداننىڭ كەيبىر مەملەكەتتىك قىزمەتشىلەرى تىكەلەي فۋنكتسيونالدىق مىندەتتەرىن ورىنداۋدىڭ ورنىنا سوتتى جاعالاپ كەتتى. بۇل مەملەكەتتىك قىزمەتشىلەردىڭ حالىق الدىنداعى سەنىمى مەن بەدەلىنە نۇقسان كەلتىرەدى. بۇگىنگى تاڭدا اۋداندا 9 بوس جۇمىس ورنى بار. بيزنەس-پروتسەستەردى دۇرىس قۇرۋ, قولدا بار بوس جۇمىس ورىندارىنا كونكۋرستار جاريالاۋ قاجەت. كادر ساياساتى ناقتى تۇجىرىمدالىپ, بارلىق قىزمەتكەرلەر ءۇشىن اشىق بولۋى كەرەك», دەدى وبلىس اكىمى.
سونىمەن قاتار ءوڭىر باسشىسى كەمەڭگەر اۋىلىنداعى دەنە-شىنىقتىرۋ ساۋىقتىرۋ كەشەنى, شاعىن ورتالىققا ارنالعان زاڭعار مەكتەبىنە قوسىمشا عيماراتتىڭ قۇرىلىسى سەكىلدى ماسەلە تۋىنداعان نىساندارمەن اينالىسىپ, پايدالانۋعا بەرۋ قاجەتتىگىن تىلگە تيەك ەتتى.
