استانادا مينيستر ەربول مىرزابوسىنوۆتىڭ توراعالىعىمەن وڭىرلىك سپورت باسقارمالارىنىڭ باسشىسىن تاعايىنداۋ بويىنشا كوميسسيا وتىرىسى ءوتتى.
قاراعاندى وبلىستىق دەنە شىنىقتىرۋ جانە سپورت باسقارماسى باسشىلىعىنا بوكستان لوندون وليمپياداسىنىڭ چەمپيونى سەرىك ساپيەۆتىڭ, ال پاۆلودار وبلىستىق دەنە شىنىقتىرۋ جانە سپورت باسقارماسىنىڭ باسشىلىعىنا سپورت جانە دەنە شىنىقتىرۋ ىستەرى كوميتەتى توراعاسىنىڭ ورىنباسارى ازامات يماشەۆتىڭ كانديداتۋراسى ۇسىنىلىپ, كوميسسيا مۇشەلەرى كەلىسىمىن بەردى.
ايتا كەتەيىك, كانديداتتاردى جەرگىلىكتى اتقارۋشى ورگان ۇسىنادى جانە تۋريزم جانە سپورت مينيسترلىگى جانىنان قۇرىلعان كوميسسيانىڭ وڭ قورىتىندىسىن العان كانديداتتاردى عانا تاعايىنداۋعا ءتيىس.
