وقيعا كەشە كۇندىز بولعان. 112 پۋلتىنە حابارلاسقان ءجاسوسپىرىم تەڭىز دەڭگەيىنەن 3100 مەتر بيىكتىكتە ورنالاسقان بۋكرەەۆ شىڭىنا كوتەرىلىپ, ءوز بەتىنشە تومەن تۇسە الماي قالعانىن حابارلادى. ول تاۋدا جالعىز بولعان.
«قۇتقارۋشىلار بالانىڭ قوزعالىس باعىتىن انىقتاپ, ىزدەۋ جۇمىستارىنا دەرەۋ كىرىستى. توتەنشە جاعدايلار قىزمەتىنىڭ ماماندارى ءجاسوسپىرىمدى تاۋىپ, قاۋىپسىز جەرگە ءتۇسىردى. كەيىن ول الماتىعا جەتكىزىلىپ, تۋىستارىنا تابىستالدى», دەلىنگەن حابارلامادا.
قۇتقارۋ بارىسىندا جاسوسپىرىمگە بارلىق قاجەتتى كومەك كورسەتىلدى. قازىر ونىڭ جاعدايى جاقسى.
