ISSAI بەس جىلدىق زەرتتەۋلەر ناتيجەسىندە كوپتىلدى كوممۋنيكاتسيانى قامتاماسىز ەتەتىن «Soyle App» قولدانباسىن ازىرلەدى. بۇل ءونىم قازاق ءتىلىنىڭ ەرەجەلەرىن ساقتاي وتىرىپ, قازاق, ورىس, اعىلشىن, تۇرىك تىلدەرىندە اۋدارما, ءسوزدى تانۋ, دىبىستى ماتىنگە اينالدىرۋ سەكىلدى قىزمەتتەردى اتقارادى. جوبا ەلىمىزدىڭ تسيفرلىق ترانسفورماتسيا ۇدەرىسىندە جاساندى ينتەللەكت تەحنولوگيالارىن قولدانۋ مۇمكىندىكتەرىن ارتتىرۋعا باعىتتالعان.
ISSAI جۇمىسىنا توقتالا كەتسەك, ينستيتۋت قازىرگى ۋاقىتتا ايماقتىق ماسەلەلەردى شەشۋ, تسيفرلىق كوممۋنيكاتسيانىڭ تيىمدىلىگىن ارتتىرۋ, دەرەكتەردى قورعاۋ سالاسىندا ماڭىزدى جوبالار جاساپ جاتىر. ينستيتۋتتىڭ نەگىزگى ماقساتى – جاساندى ينتەللەكتىنى قولدانا وتىرىپ, ەلىمىزدىڭ تسيفرلىق دامۋىنا ۇلەس قوسۋ. وسى ماقساتتا جۇزەگە اسىرىلعان العاشقى ءىرى جوبالاردىڭ ءبىرى – «Soyle App» قولدانباسى. ينستيتۋت ديرەكتورى حۋسەين اتاكاننىڭ ايتۋىنشا, بۇل جوبا جاساندى ينتەللەكت تەحنولوگياسىن ەلدىڭ تسيفرلىق دامۋىنا ءتيىمدى ەنگىزۋدىڭ ايقىن كورىنىسى. «Soyle App» ارقىلى ءبىز قازاقستاننىڭ جاساندى ينتەللەكت سالاسىنداعى الەۋەتىن الەمدىك دەڭگەيگە كوتەرە الامىز. بۇل جوبانى ىسكە اسىرۋ وسى سالاداعى مۇمكىندىكتەردى كەڭەيتىپ, جاڭا بەلەستەرگە جەتەلەۋگە باعىتتالعان ماڭىزدى قادام», دەيدى ول.
جوبا ازىرلەۋشىلەرى جاساندى ينتەللەكت تەحنولوگيالارىنا, باعدارلامالىق قامتاماسىز ەتۋگە, ينتەرفەيس ديزاينىنا ەرەكشە ەرەكشە ءمان بەرگەن. جاساندى ينتەللەكت مودەلدەرى قوسىمشانىڭ نەگىزىن قۇرايدى. ولار ءسوزدى تانۋ, داۋىستى سينتەزدەۋ, ماتىندەردى اۋدارۋ مۇمكىندىكتەرىن قامتاماسىز ەتەدى. جوبانىڭ جەتەكشىسى ۇلجان ءبيسارىنوۆا «Soyle App» قوسىمشاسىنىڭ ءاربىر قۇرامداس بولىگىنىڭ ماڭىزىن ەرەكشە اتاپ ءوتتى. ونىڭ ايتۋىنشا, قوسىمشانىڭ باستى ارتىقشىلىعى – جاساندى ينتەللەكت مودەلدەرى مەن ينتەرفەيس ديزاينىنىڭ ۇيلەسىمدىلىگى.
«جاساندى ينتەللەكت مودەلدەرى – بۇل ءبىزدىڭ قوسىمشانىڭ وزەگى. ولار ءسوزدى تانۋ, داۋىستى سينتەزدەۋ, اۋدارما جاساۋ ۇدەرىستەرىن جوعارى دەڭگەيدە جۇزەگە اسىرۋعا مۇمكىندىك بەرەدى. اسىرەسە قازاق ءتىلىنىڭ ەرەكشەلىكتەرىن ەسكەرىپ, ناقتى ءارى تۇسىنىكتى ناتيجەلەر كورسەتۋگە باعىتتالعان مودەلدەردى ازىرلەۋ – ءبىزدىڭ باستى جەتىستىگىمىزدىڭ ءبىرى», دەيدى «Soyle App» جوباسىنىڭ جەتەكشىسى.
سونىمەن قاتار ۇلجان باعدارلامالىق قامتاماسىز ەتۋدىڭ قولدانبانىڭ تۇراقتىلىعى مەن سەنىمدى جۇمىس ىستەۋىندەگى ءرولىن دە اتاپ ءوتتى. ونىڭ ايتۋىنشا, بۇل كومپونەنت كەز كەلگەن جاعدايدا قوسىمشانىڭ ۇزدىكسىز قىزمەت كورسەتۋىن قامتاماسىز ەتەدى.
«Soyle App»-تى ازىرلەۋ بارىسىندا ءبىز تەك جەكە قولدانۋشىلاردىڭ قاجەتتىلىكتەرىن عانا ەمەس, بيزنەس پەن مەملەكەتتىك مەكەمەلەردىڭ دە تالاپتارىن ەسكەردىك. باعدارلامالىق شەشىمدەرىمىز وسى ماقساتقا تولىق ساي كەلەدى. ءبىزدىڭ ماقساتىمىز – ءاربىر قولدانۋشى قوسىمشانى ەشقانداي قوسىمشا وقۋلىقتارسىز-اق پايدالانا الاتىنداي ەتىپ جاساۋ. سونداي-اق «Soyle App» ينتەرفەيسى ءينتۋيتيۆتى جانە بارىنشا تۇسىنىكتى ەتىپ ازىرلەندى. بۇل – ءبىزدىڭ اۋديتوريامىزبەن ءتيىمدى بايلانىس ورناتۋعا ارنالعان ماڭىزدى قادام», دەپ ءتۇسىندىردى ول.
ساپالى اۋدارما
قولدانبانىڭ باستى ەرەكشەلىگى – ونىڭ قازاق تىلىندە ساپالى اۋدارما جاساي الۋىندا. كوپتەگەن حالىقارالىق پلاتفورمالار انا ءتىلىمىزدىڭ كۇردەلى قۇرىلىمدارى مەن ستيلدىك ەرەكشەلىكتەرىن ەسكەرىپ, اۋدارما جاساي المايدى. ال «Soyle App» ءماتىندى اۋدارۋ كەزىندە ونىڭ قۇرىلىمىن ساقتاپ, مازمۇندى دۇرىس ءارى تۇسىنىكتى ەتىپ جەتكىزەدى. ويتكەنى قوسىمشا ISSAI ينستيتۋتىنىڭ ماماندارى ازىرلەگەن سويلەۋ مودەلىنە نەگىزدەلگەن. سونداي-اق اۋدارما ساپاسى «FLoRes» تەستىلەۋ دەرەكتەرىنە سايكەس BLEU كورسەتكىشتەرىنە ساي تەكسەرىستەن وتكەن. ناتيجەسىندە, «Soyle App Google Translate», «Yandex Translate» سياقتى تانىمال اۋدارما پلاتفورمالارىمەن سالىستىرعاندا, قازاق تىلىندەگى ءسوز تىركەستەرىن ماعىنالى اۋدارعان. وسىلايشا «Soyle App» قوسىمشاسى تىلدىك مودەلدەرىنىڭ بىرەگەيلىگىمەن ەرەكشەلەنىپ وتىر.
ء«بىز بۇل قولدانبانى جاساۋدا ەڭ الدىمەن قازاق ءتىلىنىڭ ەرەكشەلىكتەرىن ەسكەردىك. قولدانبا اۋدارما بارىسىندا تەك سوزدەردى اۋدارىپ قانا قويماي, ولاردىڭ دۇرىس ماعىنادا قولدانىلۋىن قامتاماسىز ەتەدى. بۇل – اۋدارما ساپاسىن حالىقارالىق دەڭگەيدەگى باسقا قوسىمشالارمەن سالىستىرعاندا, ايتارلىقتاي جوعارى ەتەدى. اسىرەسە ىسكەرلىك قۇجاتتار, رەسمي حاتتار جانە ادەبي شىعارمالارمەن جۇمىس ىستەگەندە اسا ماڭىزدى», دەيدى جوبا جەتەكشىسى ۇلجان ءبيسارىنوۆا.
ISSAI-دىڭ ايتۋىنشا «Soyle App» ساپالى اۋدارماعا ۇزاق جىلعى زەرتتەۋلەردىڭ جانە قازاق ءتىلىن تەرەڭ تالداۋدىڭ ناتيجەسىندە قول جەتكىزىپ وتىر. بۇل قوسىمشا تەك اۋدارما قۇرالى عانا ەمەس, سونىمەن قاتار قازاق ءتىلىن حالىقارالىق دەڭگەيدە تانىتۋعا ارنالعان ماڭىزدى قادام. قولدانبانىڭ اۋدارما ساپاسى مەن داۋىس تانۋ جۇيەسى ارنايى تەستىلەۋ ناتيجەسىندە جوعارى باعاعا يە بولعان. ء«بىز Soyle App»-ءتىڭ اۋدارما ساپاسىن «Plis Score» جۇيەسى ارقىلى سىناقتان وتكىزدىك. قوسىمشا تەك تىلدىك دالدىگىمەن عانا ەمەس, سونىمەن قاتار اۋدارمانىڭ تابيعيلىعىمەن ەرەكشەلەنەدى», دەيدى ۇلجان.
قاۋىپسىزدىك قامتاماسىز ەتىلەدى
«Soyle App» قوسىمشاسى اقپاراتتىق قاۋىپسىزدىك ماسەلەسىن ەرەكشە نازاردا ۇستاعان. باعدارلامانى پايدالانۋشىلاردىڭ دەرەكتەرى جي مودەلىن جاقسارتۋعا قولدانىلمايدى. سونداي-اق قولدانبانىڭ سەرۆەرلەرى ەل اۋماعىندا ورنالاسقاندىقتان, جەكە اقپارات شەتەلدىك جۇيەلەرگە جىبەرىلمەيدى. وسىلايشا, ەل ازاماتتارىنىڭ جەكە دەرەكتەرى قورعالاتىن بولادى. جوبا ازىرلەۋشىلەرىنىڭ سوزىنشە, دەرەكتەردى قورعاۋ اقىلدى جۇيەلەر مەن جاساندى ينتەللەكت ينستيتۋتىنىڭ نەگىزگى جۇمىس باعىتى.
بۇگىندە كوپتەگەن اۋدارما جاسايتىن باعدارلامالار مەن جاساندى ينتەللەكت قوسىمشالارى پايدالانۋشىلاردىڭ جەكە مالىمەتتەرىن مودەلدى ءارى قاراي دامىتۋ ماقساتىندا قولدانادى. مۇنداي جۇيەلەر مەملەكەتتىك ورگاندارعا قولايسىز. سەبەبى ماڭىزدى قۇجاتتاردىڭ قۇپيالىعى قامتاماسىز ەتىلمەيدى. «Soyle App» وسى ماسەلەنى ەسكەرىپ, قولدانۋشىلاردىڭ دەرەكتەرىن مۇلدەم ساقتاماۋ ساياساتىن ەنگىزگەن. قوسىمشاعا جۇكتەلگەن اقپاراتتار تولىقتاي قۇپيا بولادى. سوندىقتان جوبا اۆتورلارى مەملەكەتتىك مەكەمەلەرمەن ىنتىماقتاستىق ورناتۋعا نيەتتى ەكەنىن جەتكىزدى.
قوسىمشا كوپتىلدى كوممۋنيكاتسيانى جەڭىلدەتىپ قانا قويماي, سونىمەن قاتار ەلدىڭ اقپاراتتىق دەربەستىگىن قورعاۋعا ءارى كۇشەيتۋگە باعىتتالعان يننوۆاتسيالىق ءونىم.
ء«بىزدىڭ باستى ماقساتىمىز – پايدالانۋشىلار دەرەكتەرىنىڭ قاۋىپسىزدىگىن قامتاماسىز ەتۋ. «Soyle App» ارقىلى قولدانۋشىلار ەش الاڭداماي, ماڭىزدى اقپاراتتى اۋدارىپ, وڭدەي الادى. بۇل, اسىرەسە مەملەكەتتىك دەڭگەيدەگى قۇجات اينالىمى ءۇشىن اسا ماڭىزدى. ءبىز بۇل ءونىمدى ەلىمىزدىڭ تسيفرلىق ەگەمەندىگىن نىعايتاتىن قۇرال رەتىندە باعالاپ وتىرمىز», دەيدى ءىSSAI باس ديرەكتورىنىڭ ورىنباسارى مادينا ءابدىراحمانوۆا.
امبەباپ قۇرال
«Soyle App» تەك جەكە قولدانۋشىلارعا ەمەس, بيزنەس پەن مەملەكەتتىك مەكەمەلەرگە دە قولايلى قۇرال بولا الادى. قوسىمشانى ازىرلەۋشىلەر ونىڭ قولدانۋ اياسىن كەڭەيتۋ ماقساتىندا ارنايى API ينتەرفەيستەرىن ازىرلەگەن. بۇل شەشىم كومپانيالار مەن ۇيىمدارعا «Soyle App»-تىڭ فۋنكتسيونالدىق مۇمكىندىكتەرىن ءوز پلاتفورمالارىنا بەيىمدەۋگە مۇمكىندىك بەرەدى. API ينتەرفەيستەرى ارقىلى اۋدارما, داۋىستى تانۋ جانە ءماتىندى وڭدەۋ پروتسەستەرى ۇيىمداردىڭ ىشكى جۇيەلەرىنە ينتەگراتسيالانادى. مىسالى, كومپانيالار تۇتىنۋشىلارمەن كوپتىلدى بايلانىس ورناتۋ ءۇشىن بۇل قوسىمشانى پايدالانا الادى. ال مەملەكەتتىك مەكەمەلەر قۇجاتتاردى اۋدارۋ نەمەسە تالداۋ كەزىندە قوسىمشانىڭ قاۋىپسىزدىك تالاپتارىنا ساي كەلەتىن فۋنكتسيالارىن قولدانا الادى.
جوبا اۆتورلارىنىڭ ايتۋىنشا, مۇنداي شەشىمدەر تەحنولوگيانىڭ جەرگىلىكتى دەڭگەيدە تيىمدىلىگىن ارتتىرىپ, ونى ءارتۇرلى سالالاردا كەڭىنەن قولدانۋعا مۇمكىندىك بەرەدى. «Soyle App»-تىڭ ينتەرفەيسى يكەمدى. ول ءتۇرلى قاجەتتىلىكتەرگە ساي بەيىمدەلە الادى. «Soyle App» – بۇل اۋدارما قۇرالى عانا ەمەس, سونداي-اق امبەباپ پلاتفورما.
«Soyle App» قولدانبانىڭ ءساتتى ىسكە اسۋى – اقىلدى جۇيەلەر مەن جاساندى ينتەللەكت ينستيتۋتى ماماندارىنىڭ تاباندى ەڭبەگىنىڭ ناتيجەسى.
جوبا جەتەكشىسى بولاشاقتا «Soyle App» قولدانباسىن دامىتۋعا ەرەكشە ءمان بەرىلەتىنىن اتاپ ءوتتى. قازىرگى تاڭدا قوسىمشا تولىققاندى پايدالانۋعا دايىن بولعانىمەن, ۇجىم جىل سوڭىنا دەيىن باعدارلامانى ودان ءارى جەتىلدىرۋ جۇمىستارىن جالعاستىرا بەرمەك. ۇلجان ءبيسارىنوۆانىڭ ايتۋىنشا, قولدانبانىڭ نەگىزگى باسىمدىعى – اۋدارما ساپاسىن جاقسارتۋ.
ء«بىز قولدانۋشىلاردىڭ قاجەتتىلىكتەرىن ەسكەرە وتىرىپ, اۋدارما ساپاسىن جاڭا دەڭگەيگە كوتەرۋدى كوزدەپ وتىرمىز. «Soyle App» قازاق ءتىلىنىڭ ەرەكشەلىكتەرىن تەرەڭ تۇسىنە وتىرىپ, تىلدىك كەدەرگىلەردى جويۋعا كومەكتەسەدى. بىراق ءبىزدىڭ ماقسات – مۇنىمەن شەكتەلمەۋ. قوسىمشانىڭ جۇمىس ىستەۋ مۇمكىندىكتەرىن كەڭەيتىپ, ونى امبەباپ قۇرالعا اينالدىرعىمىز كەلەدى», دەيدى ول.
قولدانبا جاساۋشىلار جاڭا فۋنكتسيالاردى قوسۋدى ءارى ونىڭ قولدانۋ اياسىن ارتتىرۋدى جوسپارلاپ وتىر. جىل سوڭىنا دەيىن جۇرگىزىلەتىن جۇمىستار بارىسىندا قولدانبانىڭ ينتەرفەيسى جەتىلدىرىلىپ, كاسىبي دەڭگەيدە قولدانۋعا ىڭعايلى جاڭا مۇمكىندىكتەر ەنگىزىلمەك. بۇل «Soyle App»-تى كۇندەلىكتى قارىم-قاتىناسقا عانا ەمەس, ىسكەرلىك, عىلىمي ماقساتتا دا پايدالانۋعا مۇمكىندىك بەرەدى. ء«بىزدىڭ مىندەتىمىز – تەك اۋدارما قۇرالىن جاساپ قويۋ ەمەس, ەلىمىزدىڭ تسيفرلىق ەكوجۇيەسىن جاڭا دەڭگەيگە كوتەرۋگە ۇلەس قوسۋ. «Soyle App» وسى باعىتتا ماڭىزدى ءرول اتقارادى دەپ سەنەمىز», دەپ اتاپ ءوتتى م.ءابدىراحمانوۆا.
جوبا اۆتورىنىڭ ايتۋىنشا, يننوۆاتسيالىق ءونىم تەك ەلىمىز ءۇشىن عانا ەمەس, حالىقارالىق دەڭگەيدە دە كوپتىلدى قارىم-قاتىناستى جاقسارتۋعا ۇلەس قوسپاق. «Soyle App» ارقىلى ءاربىر پايدالانۋشى زاماناۋي تەحنولوگيالاردىڭ ارتىقشىلىعىن سەزىنىپ, ونى ءوز قاجەتىنە قاراي قولدانا الادى.
