فوتو: ۆالەري بۋگاەۆ
بولاتبەك ءشارىپوۆ 1973 جىلى ەرتىس اۋدانى زارەچنوە اۋىلىندا دۇنيەگە كەلگەن. ەڭبەك جولىن 1992 جىلى باستاعان. مەملەكەتتىك قىزمەتتە 2008 جىلدان بەرى جۇمىس ىستەيدى. ەرتىس وڭىرىندە باسقارما باسشىسىنان وبلىس اكىمىنە دەيىن كوتەرىلدى.
پاۆلودار وبلىسىنىڭ اكىمى اساين بايحانوۆ جاڭا باسشىنىڭ الدىنا بارلىق قولدانىستاعى ينفراقۇرىلىمدىق جانە الەۋمەتتىك جوبالاردى, سونداي-اق تۇيتكىلدى ماسەلەلەردى ساراپتاۋ مىندەتىن قويدى.
جاڭا اكىمگە ەكونوميكانىڭ تۇراقتى ءوسىمىن 6-7 پايىز دەڭگەيىندە قامتاماسىز ەتۋ دە جۇكتەلدى. سونداي-اق اقسۋ ينۆەستيتسيالىق ايماعىن, ينفراقۇرىلىم مەن اگروونەركاسىپ كەشەنىن دامىتۋ, تۇرعىنداردىڭ وزەكتى ماسەلەلەرىنە دەر كەزىندە دەن قويۋ مىندەتتەلدى.
